دیوانگی سے دوش پہ زنّار بھی نہیں

[intelligent086]

دیوانگی سے دوش پہ زنّار بھی نہیں
یعنی ہمارے* جیب میں اک تار بھی نہیں
دل کو نیازِ حسرتِ دیدار کر چکے
دیکھا تو ہم میں طاقتِ دیدار بھی نہیں
ملنا ترا اگر نہیں آساں تو سہل ہے
دشوار تو یہی ہے کہ دشوار بھی نہیں
بے عشق عُمر کٹ نہیں سکتی ہے اور یاں
طاقت بہ قدرِلذّتِ آزار بھی نہیں
شوریدگی کے ہاتھ سے سر ہے وبالِ دوش
صحرا میں اے خدا کوئی دیوار بھی نہیں
گنجائشِ عداوتِ اغیار اک طرف
یاں دل میں ضعف سے ہوسِ یار بھی نہیں
ڈر نالہ ہائے زار سے میرے، خُدا کو مان
آخر نوائے مرغِ گرفتار بھی نہیں
دل میں ہے یار کی صفِ مژگاں سے روکشی
حالانکہ طاقتِ خلشِ خار بھی نہیں
اس سادگی پہ کوں نہ مر جائے اے خُدا!
لڑتے ہیں اور ہاتھ میں تلوار بھی نہیں
دیکھا اسدؔ کو خلوت و جلوت میں بارہا
دیوانہ گر نہیں ہے تو ہشیار بھی نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
* جَیب، جیم پر فتح (زبر) مذکّر ہے، بمعنی گریبان۔ اردو میں جیب، جیم پر کسرہ (زیر) کے ساتھ، بمعنی کیسہ (Pocket) استعمال میں زیادہ ہے، یہ لفظ مؤنث ہےاس باعث اکثر نسخوں میں ’ہماری‘ ہے۔ قدیم املا میں یاۓ معروف ہی یاۓ مجہول (بڑی ے)کی جگہ بھی استعمال کی جاتی تھی اس لۓ یہ غلط فہمی مزید بڑھ گئی۔


Deewangui se, dosh pe zunnar bhi nahin
Yanee hamare jaib mein ektar bhi nahin
Dil ko neyaze hasrate deedar ker chuke
Daikh to hum ne taqate deedar bhi nahin
Milna ager tera aasan to sahel hai
Dushwar to yahi hai kih, dushwar bhi nahin
Be ishq umr kat nahin sakti hai aur yan
Taqat baqadre lazzate aazar bhi nahin
Shoridgi ke hath se hai ser-o-bale dosh
Sahra mein ai khuda! Koi deewar bhi nahin
Gunjaishe adawte aghaiar ek taraf
Yan dil mein zof se hawse yaar bhi nahin
Der nalah hai zarse mere khuda ko maan
Aakhir nawai murghe giraftar bhi nahin
Dil mein hai yaar ki safe masgan se rokashi
Halan kih taqate khalishe khar bhi nahin
Is sadgi pe kaun na mer jaai ai khuda !
Ladtein hain aur hath mein talwar bhi nahin
Daikha Asad ko khilwat-o-jalwat mein barha
Deewana ger nahin hai to hushiyaar bhi nahin