نہیں کہ مجھ کو قیامت کا اعتقاد نہیں

[intelligent086]

نہیں کہ مجھ کو قیامت کا اعتقاد نہیں
شبِ فراق سے روزِ جزا زیاد نہیں
کوئی کہے کہ ’شبِ مَہ میں کیا بُرائی ہے‘
بلا سے آج اگر دن کو ابر و باد نہیں
جو آؤں سامنے اُن کے تو مرحبا نہ کہیں
جو جاؤں واں سے کہیں کو تو خیر باد نہیں
کبھی جو یاد بھی آتا ہوں میں، تو کہتے ہیں
کہ ’ آج بزم میں کچھ فتنۂ و فساد نہیں‘
علاوہ عید کے ملتی ہے اور دن بھی شراب
گدائے کُوچۂ مے خانہ نامراد نہیں
جہاں میں ہو غم و شادی بہم، ہمیں کیا کام ؟
دیا ہے ہم کو خدا نے وہ دل کہ شاد نہیں
تم اُن کے وعدے کا ذکر اُن سے کیوں کرو غالبؔ
یہ کیا؟ کہ تم کہو، اور وہ کہیں کہ“یاد نہیں“




Nahin ki mujh ko qayamat ka aiteqad nahin
Shabe firaq se roze jaza ziyad nahin
Koi kahe ki shabe mah mein kaya burayee hai
Bala se aaj ager din ko abro bad nahin
Jo aaon samne un ke to merhaba na kahein
Jo jaon wan se kahin ko to khai bad nahin
Kabhi jo yaad bhi aata hon main to kahte hain
Ki aaj bazam mein kuch fitna-o-fasad nahin
Alawah eid ke milti hai aur din bhi shrab
Gadaye koocha, maikhanah na murad nahin
Jahan ho shdi-o-gham bahem hamein kaya kaam
Diya hai hum ko khuda ne woh dil ki shad nahin
Tum un ke wade ka zikr un se kiyon kion karo ghalib!
Ye kaya ki tum kaho aur woh kahien ki "yaad nahin"