حیراں ہوں، دل کو روؤں کہ پیٹوں جگر کو مَیں

[intelligent086]

حیراں ہوں، دل کو روؤں کہ پیٹوں جگر کو مَیں
مقدور ہو تو ساتھ رکھوں نوحہ گر کو مَیں
چھوڑا نہ رشک نے کہ ترے گھر کا نام لوں
ہر اک سے پُو چھتا ہوں کہ “ جاؤں کدھر کو مَیں“
جانا پڑا رقیب کے در پر ہزار بار
اے کاش جانتا نہ تری رہ گزر کو مَیں
ہے کیا، جو کس* کے باندھیے میری بلا ڈرے
کیا جانتا نہیں ہُوں تمھاری کمر کو مَیں
لو، وہ بھی کہتے ہیں کہ ’یہ بے ننگ و نام ہے‘
یہ جانتا اگر، تو لُٹاتا نہ گھر کو مَیں
چلتا ہوں تھوڑی دُور ہر اک تیز رَو کے ساتھ
پہچانتا نہیں ہُوں ابھی راہبر کو مَیں
خواہش کو احمقوں نے پرستش دیا قرار
کیا پُوجتا ہوں اس بُتِ بیداد گر کو مَیں
پھر بے خودی میں بھول گیا راہِ کوئے یار
جاتا وگرنہ ایک دن اپنی خبر کو مَیں
اپنے پہ کر رہا ہُوں قیاس اہلِ دہر کا
سمجھا ہوں دل پذیر متاعِ ہُنر کو میں
غالبؔ خدا کرے کہ سوارِ سمندرِ ناز
دیکھوں علی بہادرِ عالی گُہر کو میں






hairan hon dil rouon kih peeton jiger komain
maqdoor hoto sath rakhon nauhager ko main
choda na rashk ne ki tere gherka nam loon
her ek se poochta hon ki jaon kidher ko main?
Jana pada raqeeb ke der per mujhe hazar
Ai kaash !janta na tere rahguzer ko main
Hai kaya jo kas ke bandhe meri bladre
Kaya janta nahin hon tumhari kamer ko main
Lo woh bhi kahte hain ki wo be nanag-o-naam hai
Ye janta ager, to lutata na gher ko main
Chalta hon thodi door her ek taiz roo ke sath
Pahchanta nahin hon abhi rahber ko majn
Khuahish ko ahmaqon ne ne perastish diya qarar
Kaya pojta hon us bute baidad ger ko main?
Phir baikhudi mein bhool gaya rah koye yaar
Jata wager nah eik din apni khaber ko main
Apne pe ker rah hon qyas ahle daher ka
Samjha hon dil pazeer mataye hunar ko main
Ghalib ! khuda kere kih saware samande naaz
Daikhon ali bahar dare aali guher ko main