ہے کس قدر ہلاکِ فریبِ وفائے گُل

[intelligent086]

ہے کس قدر ہلاکِ فریبِ وفائے گُل
بُلبُل کے کاروبارپہ ہیں خندہ ہائے گُل
آزادئ نسـیم مبارک کہ ہـر طـرف
ٹوٹے پڑے ہیں حلقۂ دامِ ہوائے گُل
جو تھا ، سو موجِ رنگ کے دھوکے میں مر گیا
اے وائے ، نالۂ لبِ خونیں نوائے گُل !
خوش حال اُس حریفِ سیہ مست کا، کہ جو
رکھتا ہو مثلِ سایۂ گُل ، سر بہ پائے گُل
ایجاد کرتی ہے اُسے تیرے لیے بہار
میرا رقیب ہے نَفَسِ عطر سائے گُل
شرمندہ رکھتے ہیں مجھے بادِ بہار سے
میناۓ بے شراب و دلِ بے ہوائے گُل
سطوت سے تیرے جلوۂ حُسنِ غیور کی
خوں ہے مری نگاہ میں رنگِ ادائے گُل
تیرے ہی جلوے کا ہے یہ دھوکا کہ آج تک
بے اختیار دوڑے ہے گُل در قفائے گُل
غالبؔ ! مجھے ہے اُس سے ہم آغوشی آرزو
جس کا خیال ہے گُلِ جیبِ قبائے گُل



Hai kis qader halake faraibe wafaye gul
Bulbul ke karobar pe hain khandhai gul
Azadiye naseem mubarak ki her taraf
Toote padein hain halqai, dame hawai gul
Jo tha, so mauje rung ke dhoke mein mer gay
Ai waye nalai labe khooneim nawai gul!
Khosh haal us hareefe seeyeh must ka ki jo
Rakhta ho misle sayaye, ser bah paye gul
Ijad kerti hai use tere liye bahar
Mera raqeeb hai nafase etre saye gul
Shermindah rakhte hai mujhe bade bahar se
Meenaai be shrab-o-dile be hawaye gul
Satwat se tere jalwai husne ghayoor ki
Khoon hai meri nigah mein runge adai gul
Tere hi jalwe ka hai ye dhoka ki aaj tak
Be akhtiyar daude hai gul derqafaye gul
Ghalib ! mujhe hai us se hai hum aaghoshi arzoo
Jiska khaial, haigul jaib qabai gul