جنوں کی دست گیری کس سے ہو گر ہو نہ عریانی

[intelligent086]

جنوں کی دست گیری کس سے ہو گر ہو نہ عریانی
گریباں چاک کا حق ہو گیا ہے میری گردن پر
بہ رنگِ کاغذِ آتش زدہ نیرنگِ بے تابی
ہزار آئینہ دل باندھے ہے بالِ یک تپیدن پر
فلک سے ہم کو عیشِ رفتہ کا کیا کیا تقاضا ہے
متاعِ بُردہ کو سمجھے ہوۓ ہیں قرض رہزن پر
ہم اور وہ بے سبب “رنج آشنا دشمن” کہ رکھتا ہے
شعاعِ مہر سے تُہمت نگہ کی چشمِ روزن پر
فنا کو سونپ گر مشتاق ہے اپنی حقیقت کا
فروغِ طالعِ خاشاک ہے موقوف گلخن پر
اسدؔ بسمل ہے کس انداز کا، قاتل سے کہتا ہے
’تو مشقِ ناز کر، خونِ دو عالم میری گردن پر‘


Junon ki dastagiri kis se ho, ger ho na uryani
Garaiban chak ka haq ho gaya haimeri gerdan ka
Barange kagaze atash zdah neerange baitabi
Hazar aiena dil bandhe hai bale yk tapedan per
Falak se hum ko aishe raftah ka kaya kaya taqaza hai
Mataye burdah ko samjhe huia hain qerz rahzen per
Hum aur who be sabab runj ashna dushman, ki rakhta hai
Shuai mohr se tohmat nigah ki chash me rozan per
Fana ko saunp ger mshtaq hai apni haqeeqat ka
Faroge tale khashak hai mauqoof gukhan per
Asad bismil hai kis andaz ka qatil se khta hai
Ki"mashqe naaz ker, khoone dualam meri gerdan per