لرزتا ہے مرا دل زحمتِ مہرِ درخشاں پر

[intelligent086]

لرزتا ہے مرا دل زحمتِ مہرِ درخشاں پر
میں ہوں وہ قطرۂ شبنم کہ ہو خارِ بیاباں پر
نہ چھوڑی حضرتِ یوسف نے یاں بھی خانہ آرائی
سفیدی دیدۂ یعقوب کی پھرتی ہے زنداں پر
فنا “تعلیمِ درسِ بے خودی” ہوں اُس زمانے سے
کہ مجنوں لام الف لکھتا تھا دیوارِ دبستاں پر
فراغت کس قدر رہتی مجھے تشویش مرہم سے
بہم گر صلح کرتے پارہ ہاۓ دل نمک داں پر
نہیں اقلیم الفت میں کوئی طومارِ ناز ایسا
کہ پشتِ چشم سے جس کی نہ ہووے مُہر عنواں پر
مجھے اب دیکھ کر ابرِ شفق آلودہ یاد آیا
کہ فرقت میں تری آتش برستی تھی گلِستاں پر
بجُز پروازِ شوقِ ناز کیا باقی رہا ہوگا
قیامت اِک ہواۓ تند ہے خاکِ شہیداں پر
نہ لڑ ناصح سے، غالبؔ، کیا ہوا گر اس نے شدّت کی
ہمارا بھی تو آخر زور چلتا ہے گریباں پر


Larazta hai mera dil zahmate mohre darakhshan per
Main hon woh qatrai shabnam ki ho khar biyaban per
Na chodi hazrate usuf ne yan bhi khana arayee
Safaidi deedai yaqoob ki phirti hai zindan per
Fina taleeme terse zindagi hon us zamane se
Ki mjnon lam alif likhta hai deeware dabistan per
Fragat kis qader rahti hai mujhe tashweshe merham se
Bahem ger sulah kerte parah haye dil namakdan per
Nahin aqleeme ulfat mein tomare naaz aisa
Ki pushte chashm se, jis ke na howey Muhre unwan per
Mujhe ab daikh ker abre shfaq alodah, yad aaya
Ki furqat mein teri, atash barasti thi gulisatn per
Bajuz perwaze shauqe naaz, kaya baqi raha hoga!
Qayamat ek hawaye tund hai khake sheesan per
Na lad naseh se Ghalib kaya hua ager us ne shiddat ki
Hamara bhi to akhir zore chalta hai garaiban per