ہوس کو ہے نشاطِ کار کیا کیا

[intelligent086]

ہوس کو ہے نشاطِ کار کیا کیا
نہ ہو مرنا تو جینے کا مزا کیا
تجاہل پیشگی سے مدعا کیا
کہاں تک اے سراپا ناز کیا کیا؟
نوازش ہائے بے جا دیکھتا ہوں
شکایت ہائے رنگیں کا گلا کیا
نگاہِ بے محابا چاہتا ہوں
تغافل ہائے تمکیں آزما کیا
فروغِ شعلۂ خس یک نفَس ہے
ہوس کو پاسِ ناموسِ وفا کیا
نفس موجِ محیطِ بیخودی ہے
تغافل ہائے ساقی کا گلا کیا
دماغِ عطر پیراہن نہیں ہے
غمِ آوارگی ہائے صبا کیا
دلِ ہر قطرہ ہے سازِ ’انا البحر‘
ہم اس کے ہیں، ہمارا پوچھنا کیا
محابا کیا ہے، مَیں ضامن، اِدھر دیکھ
شہیدانِ نگہ کا خوں بہا کیا
سن اے غارت گرِ جنسِ وفا، سن
شکستِ قیمتِ دل کی صدا کیا
کیا کس نے جگرداری کا دعویٰ؟
شکیبِ خاطرِ عاشق بھلا کیا
یہ قاتل وعدۂ صبر آزما کیوں؟
یہ کافر فتنۂ طاقت ربا کیا؟
بلائے جاں ہے غالبؔ اس کی ہر بات
عبارت کیا، اشارت کیا، ادا کیا!


Hawas ko hai nishate kar kaya
Na ho meran to jine ka mazah kaya hai
Tajahul paishgi se muddua kaya
Kahan tak ai srapa naz kaya kaya
Nwazishhaie be jaan daikhta hon
Shikayathai rangin ka gila hai
Nigahe be muhaba chahta hon
Tgaful haye tamkin azman kaya
Faroge sholai, khas, yak nafas hai
Hawas ko pas namose wafa kaya!
Nafas mauje muhite baikhudi hai
Tgaful haye saqi ka gila hai
Dimage etre pairahan nahin hai
Game awargi haye saba kaya
Dil her qatrah hai saze ana al baher
Hum uske hai hamara poochna kaya
Muhaba kaya hai zamin idhar daikh
Shidane nigah ka khoon baha kaya!
Sun ai gar tagre jinse wafa! Sun
Shikaste qeemat dil ki sada kaya
Kiya kis ne jigar dari ka dawa?
Shakeebe khatire asiq bhala kaya
Ye qatil, wadaye sabr azman kiyon?
Ye kafir fitnai taqat ruba kaya!
Balai jaan hai Ghalib us ki her bat
Ibarat kaya, asharat kaya, ada kaya