gazab kiya, tere vade pe aitabar kiya

[intelligent086]

gazab kiya, tere vade pe aitabar kiya
tamam rat qayamat ka intezar kiya


hansa hansa k shab-e-vasl ashk-bar kiya
tasalliyan mujhe de-de k beqarar kiya


ham aise mahv-e-nazara na the jo hosh ata
magar tumhare tagaful ne hoshiyar kiya


fasana-e-shab-e-gam un ko ek kahani thi
kuch aitabar kiya aur kuch na-aitabar kiya


ye kisne jalva hamare sar-e-mazar kiya
k dil se shor utha, hae! beqarar kiya


tarap phir ai dil-e-nadan, k gair kahte hain
akhir kuch na bani, sabr ikhtiyar kiya


bhula bhula k jataya hai unko raz-e-nihan
chipa chipa k mohabbat ko ashkar kiya


tumhen to vada-e-didar ham se karna tha
ye kya kiya k jahan ko ummidavar kiya


ye dil ko tab kahan hai k ho malandesh
unhone vada kiya ham ne aitabar kiya


na puch dil ki haqiqat magar ye kahte hain
vo beqarar rahe jisne beqarar kiya

[Moona]

Nyc Sharing
:Nice:
t4s