intelligent086
04-17-2015, 12:42 AM
کھو گیا تھا راہبر میرے بغیر
کس کو تھی اتنی خبر میرے بغیر
کشتہ ظلمت تھا میں ہی دہر میں
کیوں ہوئی یارب سحر میرے بغیر
میرے ہوتے تھے یہی برگ و شجر
ہیں وہی شمس و قمر میرے بغیر
اب کہاں وہ لطف طولانی شب
داستاں ہے مختصر میرے بغیر
تیرا نالہ، بلبل شوریدہ سر
کس طرح کرتا اثر میرے بغیر
جو رہا کرتا تھا میرے ساتھ ساتھ
پھر رہا ہے دربدر میرے بغیر
ویراں ویراں گلیاں، اجڑے اجڑے گھر
سونے سونے ہیں نگر میرے بغیر
ساز ہیں ٹوٹے ہوئے، نغمے اداس
چپ ہیں اب دیوار و در میرے بغیر
رہروان وقت سے پوچھ اے روی
جا رہی ہیں اب کدھر میرے بغیر
کس کو تھی اتنی خبر میرے بغیر
کشتہ ظلمت تھا میں ہی دہر میں
کیوں ہوئی یارب سحر میرے بغیر
میرے ہوتے تھے یہی برگ و شجر
ہیں وہی شمس و قمر میرے بغیر
اب کہاں وہ لطف طولانی شب
داستاں ہے مختصر میرے بغیر
تیرا نالہ، بلبل شوریدہ سر
کس طرح کرتا اثر میرے بغیر
جو رہا کرتا تھا میرے ساتھ ساتھ
پھر رہا ہے دربدر میرے بغیر
ویراں ویراں گلیاں، اجڑے اجڑے گھر
سونے سونے ہیں نگر میرے بغیر
ساز ہیں ٹوٹے ہوئے، نغمے اداس
چپ ہیں اب دیوار و در میرے بغیر
رہروان وقت سے پوچھ اے روی
جا رہی ہیں اب کدھر میرے بغیر