intelligent086
04-10-2015, 09:41 AM
سیاہ خانۂ اُمیدِ رائیگاں سے نِکل
کھلی فضا میں ذرا آ، غبارِ جاں سے نِکل
عجیب بِھیڑ یہاں جمع ہے ، یہاں سے نِکل
کہیں بھی چل مگر اِس شہرِ بے اماں سے نِکل
اِک اور راہ، اُدھر دیکھ ، جا رہی ہے وہیں
یہ لوگ آتے رہیں گے، تُو درمیاں سے نِکل
تُو کوئی غم ہے، تو دل میں جگہ بنا اپنی
تُو اِک صدا ہے، تو اِحساس کی کماں سے نِکل
یہیں کہیں ترا دشمن چھپا ہے اے بانیؔ
کوئی بہانہ بنا، بزمِ دوستاں سے نِکل
ہری منچندا بانیؔ
کھلی فضا میں ذرا آ، غبارِ جاں سے نِکل
عجیب بِھیڑ یہاں جمع ہے ، یہاں سے نِکل
کہیں بھی چل مگر اِس شہرِ بے اماں سے نِکل
اِک اور راہ، اُدھر دیکھ ، جا رہی ہے وہیں
یہ لوگ آتے رہیں گے، تُو درمیاں سے نِکل
تُو کوئی غم ہے، تو دل میں جگہ بنا اپنی
تُو اِک صدا ہے، تو اِحساس کی کماں سے نِکل
یہیں کہیں ترا دشمن چھپا ہے اے بانیؔ
کوئی بہانہ بنا، بزمِ دوستاں سے نِکل
ہری منچندا بانیؔ