intelligent086
10-02-2014, 12:02 AM
تنقید اور تخلیق
’’آپ کی شاعری صرف خوشبو ہے
دل میں اُترتی ہُوئی
رُوح پر شبنمی ہاتھ رکھتی ہُوئی
یہ مگر۔۔۔۔ذہن کو ہلکے سے چھُو کر گُزر جائے گی
آپ اِسے رنگ کا پیرہن دیجئے
کوئی آدرش اُونچا ،انوکھا عقیدہ،کوئی گنجلک فلسفہ
سخت ناقابلِ فہم الفاظ میں پیش کرنے کی کوشش کریں
آپ کی سوچ میں کچھ تو گہرائی ہو__!‘‘
آپ سچ کہہ رہے ہیں
مگر ۔۔دیکھیے نا۔۔۔ابھی میرا فن کچی عمروں میں ہے
(آپ اسے خواب ہی دیکھنے دیجئے
اتنی گھمبیر دانشوری میں نہ اُلجھائیے)
میں نہیں چاہتی۔۔کہ میرا فن
جواں ہونے سے قبل ہی بوڑھا ہو جائے
اور فلسفے کا عصا لے کے چلنے لگے
’’آپ کی شاعری صرف خوشبو ہے
دل میں اُترتی ہُوئی
رُوح پر شبنمی ہاتھ رکھتی ہُوئی
یہ مگر۔۔۔۔ذہن کو ہلکے سے چھُو کر گُزر جائے گی
آپ اِسے رنگ کا پیرہن دیجئے
کوئی آدرش اُونچا ،انوکھا عقیدہ،کوئی گنجلک فلسفہ
سخت ناقابلِ فہم الفاظ میں پیش کرنے کی کوشش کریں
آپ کی سوچ میں کچھ تو گہرائی ہو__!‘‘
آپ سچ کہہ رہے ہیں
مگر ۔۔دیکھیے نا۔۔۔ابھی میرا فن کچی عمروں میں ہے
(آپ اسے خواب ہی دیکھنے دیجئے
اتنی گھمبیر دانشوری میں نہ اُلجھائیے)
میں نہیں چاہتی۔۔کہ میرا فن
جواں ہونے سے قبل ہی بوڑھا ہو جائے
اور فلسفے کا عصا لے کے چلنے لگے