یہ دیر کہن کیا ہے ، انبار خس و خاشاک

[Dr Danish]

یہ دیر کہن کیا ہے ، انبار خس و خاشاک

مشکل ہے گزر اس میں بے نالہ آتش ناک

نخچیر محبت کا قصہ نہیں طولانی
لطف خلش پیکاں ، آسودگی فتراک

کھویا گیا جو مطلب ہفتاد و دو ملت میں
سمجھے گا نہ تو جب تک بے رنگ نہ ہو ادراک

اک شرع مسلمانی ، اک جذب مسلمانی
ہے جذب مسلمانی سر فلک الافلاک

اے رہرو فرزانہ ، بے جذب مسلمانی
نے راہ عمل پیدا نے شاخ یقیں نم ناک

رمزیں ہیں محبت کی گستاخی و بے باکی
ہر شوق نہیں گستاخ ، ہر جذب نہیں بے باک

فارغ تو نہ بیٹھے گا محشر میں جنوں میرا
یا اپنا گریباں چاک یا دامن یزداں چاک!



٭ ٭ ٭ ٭

Umda aor Lajawab Sharing ka shukariya

[intelligent086]

Umda aor Lajawab Sharing ka shukariya

خوب صورت آراء اور پسند کا بہت بہت شکریہ