آنکھ اس پر جفا سے لڑتی ہے

[intelligent086]

آنکھ اس پر جفا سے لڑتی ہے

جان کشتی قضا سے لڑتی ہے

شعلہ بھڑکے گے کیا بہلا سر بزم
شمع تجھ بن ہوا سے لڑتی ہے

قسمت اس بت سے جا لڑی اپنی
دیکھو احمق خدا سے لڑتی ہے

صف مژگان تری خدا کی پناہ
اک بلا ایک بلا سے لڑتی ہے

شور و غل قل یہ کیوں ہے دختر رز
کیا کسی آشنا سے لڑتی ہے

نگہ ناز اس کی عاشق سے
چھوٹ کس کس ادا سے لڑتی ہے

تیرے بیمار کے سر بالیں
موت کیا کیا شفا سے لڑتی ہے

آج کہتے ہو کیا طبعیت کو
عشق میں ابتدا سے لڑتی ہے

آج دنیا نے صلح کی کس دن
یہ لڑاکا سدا سے لڑتی ہے

تیری شمشیر خوں کے چھینٹوں سے
چھینٹے آب بقا سے لڑتی ہے

دیکھو اس چشم مست کی شوخی
جب کسی پارسا سے لڑتی ہے

ذوق دنیا ہے مکر کا میداں
نگہ اس کی دغا سے لڑتی ہے
٭٭٭

Similar Threads:

• آئی سی سی کا میچ آفیشلز پاکستان بھیجنے سے ا
  
• آ پھر سے مجھے چھوڑ کے جانے کے لئے آ
• آزردگی یہ چھوڑ قفس ہم سے نہ جاسکے
• ہیپی برتھ ڈے ، چیف آف آرمی سٹاف جنرل راحیل ش&#
• نام کے ’’پہلے لفظ‘‘ سے شخصیت پر پڑنے والے اثرات