Attention Guest, if you are not a member of Urdu Tehzeb, you have 1 new private message waiting, to view it you must fill out 
پیغامِ غم جگر کا گلزار تک نہ پہنچا
نالہ مرا چمن کی دیوار تک نہ پہنچا
اس آئنے کے مانند زنگار جس کو کھاوے
کام اپنا اُس کے غم میں دیدار تک نہ پہنچا
جوں نقش پا ہے غربت حیرانِ کار اس کی
آوارہ ہو وطن سے جو یار تک نہ پہنچا
لبریزِ شکوہ تھے ہم لیکن حضور تیرے
کارِ شکایت اپنا گفتار تک نہ پہنچا
بے چشم نم رسیدہ پانی چوانے کوئی
وقتِ اخیر اس کے بیمار تک نہ پہنچا
یہ بخت سبزہ دیکھو باغِ زمانہ میں سے
پژمردہ گل بھی اپنی دستار تک نہ پہنچا
(ق)
مستوری خوب روئی دونوں نہ جمع ہوویں
خوبی کا کام کس کے اظہار تک نہ پہنچا
یوسف سے لے کے تا گُل پھر گُل سے لے کے تا شمع
یہ حسن کس کو لے کر بازار تک نہ پہنچا
افسوس میرؔ وے جو ہونے شہید آئے
پھر کام اُن کا اُس کی تلوار تک نہ پہنچا
Similar Threads:
Reply With Quote
Bookmarks