سبب کھلا یہ ہمیں اُن کے منہ چھپانے کا

[intelligent086]

سبب کھلا یہ ہمیں اُن کے منہ چھپانے کا

اڑا نہ لے کوئی انداز مسکرانے کا



طریق خوب ہے یہ عمر کے بڑھانے کا
کہ منتظر رہوں تا حشر اُن کے آنے کا

چڑھاؤ پھول میری قبر پر جو آئے ہو
کہ اب زمانہ گیا تیوری چڑھانے کا

جفائیں کرتے ہیں تھم تھم کے اس خیال سے وہ
گیا تو پھر یہ نہیں میرے ہاتھ آنے کا

سمائیں اپنی نگاہوں میں ایسے ویسے کیا
رقیب ہی سہی ہو آدمی ٹھکانے کا

تمہیں رقیب نے بھیجا کھلا ہوا پرچہ
نہ تھا نصیب لفافہ بھی آدھ آنے کا

٭٭٭

Similar Threads:

• سکوں بھی خواب ہُوا، نیند بھی ہے کم کم پھر
• ہم سے جو کُچھ کہنا ہے وہ بعد میں کہہ
• سوچا بھی ہے اے مردِ مسلماں کبھی تُو نے
• سوچا بھی ہے اے مردِ مسلماں کبھی تُو نے
• اشک اپنی آنکھوں سے خُود بھی ہم چھُپائیں گے