رنگ ، خوشبو میں اگر حل ہو جائے

[intelligent086]

رنگ ، خوشبو میں اگر حل ہو جائے
وصل کا خواب مکمل ہو جائے

چاند کا چوما ہُوا سرخ گلاب
تیتری دیکھے تو پاگل ہو جائے

میں اندھیروں کو اُجالوں ایسے
تیرگی آنکھ کا کاجل ہو جائے

دوش پر بارشیں لے کے گھومیں
مَیں ہوا اور وہ بادل ہو جائے

نرم سبزے پہ ذرا جھک کے چلے
شبنمی رات کا آنچل ہو جائے

عُمر بھر تھامے رہے خوشبو کو
پھُول کا ہاتھ مگر شل ہو جائے

چڑیا پتّوں میں سمٹ کر سوئے
پیٹر یُوں پھیلے کہ جنگل ہو جائے

***

Similar Threads:

• گوری نظر نہ لگ جائے منصور خالد (مکتوب شنگھا&#
• تراش محو ہوئی، خدّ وخال سے بھی گئے
• میرا جو حال ہو سو ہو، برقِ نظر گرائے جا
• وہ تو خوشبو ہے ، ہواؤں میں بکھر جائے گا
• واہگہ بارڈر خود کش حملے میں 55 افراد جاں بحق،