سانس لینا بھی سزا لگتا ہے

[intelligent086]

سانس لینا بھی سزا لگتا ہے

اب تو مرنا بھی روا لگتا ہے

موسمِ گل میں سرِ شاخِ گلاب

شعلہ بھڑکے تو بجا لگتا ہے

مسکراتا ہے جو اس عالم میں

بخدا مجھ کو خدا لگتا ہے

اتنا مانوس ہوں سناٹے سے

کوئی بولے تو برا لگتا ہے

ان سے مل کر بھی نہ کافور ہوا

درد سے سب سے جدا لگتا ہے

نطق کا ساتھ نہیں دیتا ذہن

شکر کرتا ہوں گِلہ لگتا ہے

اس قدر تند ہے رفتارِ حیات

وقت بھی رشتہ بپا لگتا ہے

**

Similar Threads:

• سمجھوتہ ایکسپریس … کتنے سال گزر گئے ؟
• زخمِ احساس اگر ہم بھی دکھانے لگ جائیں
• ہلتی ہے زلف جنبش گردن کے ساتھ ساتھ
• ہلتی ہے زلف جنبش گردن کے ساتھ ساتھ
• حد سے جب بڑھنے لگا تلخیِ حالات کا زہر