Quote Originally Posted by ayesha View Post
بول اے سکوتِ دل کہ درِ بے نِشاں کُھلے
مجھ پر کبھی تو عُقدہِ ہفت آسماں کُھلے
یوں دل سے ھمکلام ہوئی یادِ رفتگاں
جیسے اک اجنبی سے کوئی رازداں کُھلے
سہمی کھڑی ہیں خوفِ تلاطم سے کشتیاں
موج ہوا کو ضد کہ کوئی بادباں کُھلے
وہ آنکھ نیم وا ہو تو دل پھر سے جی اُٹھیں
وہ لب ہلیں تو قفلِ سکوتِ جہاں کُھلے
وہ جبر ہے کہ سوچ بھی لگتی ہے اجنبی
ایسے میں کس سے بات کریں کیا زباں کُھلے
جتنا ہوا سے بندِ قبا کُھل گیا تیرا
ہم لوگ اس قدر بھی کسی سے کہاں کُھلے
محسن کی موت اتنا بڑا سانحہ نہ تھا
اس سانحے پہ بال تیرے رائیگاں کُھلے
لاجواب۔۔۔۔۔۔۔۔۔۔۔۔۔۔۔۔۔