اِک دِل میں تھا اِک سامنے دریا اُسے کہنا

[intelligent086]

اِک دِل میں تھا اِک سامنے دریا اُسے کہنا

ممکن تھا کہاں پار اُترنا اسے کہنا


ہجراں کے سمندر میں ہیولا تھا کسی کا
اِمکاں کے بھنور سے کوئی اُبھرا اُسے کہنا

اِک حرف کی کرچی کہیں سینے میں چُبھی تھی
پہروں تھا کوئی ٹوٹ کے رویا اُسے کہنا

مدت ہوئی خورشید گہن سے نہیں نِکلا
ایسا کہیں تارا کوئی ٹوٹا اُسے کہنا

جاتی تھی کوئی راہ اکیلی کسی جانب
تنہا تھا سفر میں کوئی سایا اُسے کہنا

ہر زخم میں دھڑکن کی صدا گونج رہی تھی
اِک حشر کا تھا شور شرابا اُسے کہنا

اک نیند میں بس عمر گزرتی رہی اپنی
اک خواب میں گھر ہم نے بنایا اسے کہنا
٭٭٭

Similar Threads:

• سیاہ خانۂ اُمیدِ رائیگاں سے نِکل
• روکتا ہے غمِ اظہار سے پِندار مُجھے
• جِنہیں صُبح تک تھا جلنا، سرِ شام بُجھ گئے ہ
  
• بول اے سکوتِ دل کہ درِ بے نِشاں کُھلے
• اِس رُت میں کہاں پھول کھلیں گے دلِ ناداں

[tricky temi]

gud 1....................

[Ali_]

T4$ Keep It Up

[intelligent086]