Duniya ne hum pe jab koi ilzaam rakh diya

[Aliza]

Duniya ne hum pe jab koi ilzaam rakh diya,
hum ne muqaabil uss ke tera naam rakh diya.

Ek khaas had pe aa gayi jab teri berukhi,
naam uss ka hum ne gardish-e-ayaam rakh diya.

Main ladkhada raha hun tujhe dekh dekh kar,
tu ne toh mere saamne ek jaam rakh diya.

Kitna sitam-zareef hai woh saheb-e-jamaal,
uss ne diya jala ke lab-e-baam rakh diya.

Ab jis ke jee mein aaye wohi paaye roshni,
hum ne toh dil jala ke sar-e-aam rakh diya.

Kya maslehat-shanaas tha woh aadmi ‘qateel
majbooriyon ka jis ne wafa naam rakh diya. !

[Aliza]

@BDunc; @Jelly Bean; @intelligent086; @Aseer e Wafa; @_Alex_; @Ainee; @CaLmInG MeLoDy; @Veedoo; @Ubaid; @Hania Shah; @sehrish2134; @Moona; @Haniesh Shah;

[BDunc]

KHoob

[Aliza]

Shukriya

[Moona]

Nice Sharing

t4s

[Aliza]

Thank u ji