گوگل نےشمسی توانائی سےچلنےوالے5جی انٹرنیٹ ڈرون طیاروں کےتجربات شروع کردیئے
لندن: انٹر نیٹ سرچ انجن گوگل نے شمسی توانائی سے چلنے والے 5 جی انٹرنیٹ ڈرون طیاروں کے تجربات شروع کردیئے ہیں۔ برطانوی اخبارگارجین کے مطابق گوگل کی جانب سے دوردرازاورپہاڑی علاقوں میں گرم ہوا کے غباروں کے ذریعے انٹرنیٹ کی سہولت پہنچانے کی کوششوں کے بعد شمسی توانائی سے چلنے والے 5 جی انٹرنیٹ ڈرون طیاروں کے تجربات شروع کردیئے ہیں۔ اسکائی بینڈرکے نام سے شروع کئے گئے اس منصوبے میں گوگل نے امریکا کے اسپیس فلائٹ آپریشن سینٹر میں اپنا اسپیس کنٹرول سینٹر قائم کیا ہے۔ گوگل اپنے تجربات کے لئے وہاں خلائی مشنز کے لئے قائم کئے گئے خصوصی حصے کا 13 ہزارمربع فٹ رقبہ بھی استعمال کررہا ہے۔
گوگل کے ماہرین اسپیس فلائٹ آپریشن سینٹرمیں ایسی ریڈیائی شعاعوں کے تجربات کررہے ہیں جو ایک سیکنڈ میں کئی گیگا بائٹس ڈیٹا منتقل کرسکتے ہیں اوران کی رفتار جدید ترین 4 جی ایل ٹی ای سے بھی زیادہ ہے۔ گوگل کے ڈرون کئی ہزار فٹ کی بلندی سے زمین پر موجود اپنے صارفین کو اس ڈیتا کی ترسیل کریں گے۔
امریکا کی واشنگٹن یونیورسٹی سے منسلک الیکٹریکل اینجنئیرنگ کے پروفیسر اور اس ٹیکنالوجی کے ماہر جاکس روڈل کا کہنا ہے کہ ملی میٹر ریڈیائی لہروں کا سب سے برا فائدہ انٹر نیٹ کے نئے اسپیکٹرم تک رسائی ہے۔ کیونکہ اب موبائل فون پر رائج اسپیکٹرم پر صارفین کی تعداد بہت زیادہ ہوگئی ہے اس لئے ہمارے پاس اس نئی ٹیکنالوجی میں کام کرنے کے سوا کوئی اور راستہ نہیں۔ انہوں نے کہا کہ گوگل کے لئے سب سے برا مسئلہ یہ ہے کہ ملی میٹر ریڈیائی لہروں کی رینج موبائل سگنلز سے کم ہے۔ اس لئے یہ لہریں 4 جی اسپیکٹرم کے مقابلے میں دسویں حسے میں ہی دم توڑ دیتی ہیں۔ ان لہروں کی رینج کو بڑھانے کے لئے گوگل کو بڑی مقدار میں توانائی کی ضرورت ہوگی۔
امریکا کے فیڈرل کمیونیکیشن کمیشن نے گوگل کو نیو میکسیکو میں قائم خصوصی خلائی مرکز میں تجربات کی اجازت دے دی ہے۔ جس کے عوض گوگل 30 کروڑ ڈالر ادا کررہا ہے۔
واضح رہے کہ گوگل دنیا کا ایسا واحد ادارہ نہیں جو انٹر نیٹ ڈیٹا کی ترسیل کے لئے ملی میٹرریڈیائی لہروں کے منصوبے پر کام کررہا ہے۔ اس سے قبل 2014 میں امریکی فوج کے لئے دفاعی ساز و سامان بنانے والے ایک ادارے ڈیپرا نے بھی مخصوص علاقوں میں اسی نوعیت کے ایک پروگرام کو شروع کرنے کا اعلان کیا تھا۔
Attention Guest, if you are not a member of Urdu Tehzeb, you have 1 new private message waiting, to view it you must fill out 
Reply With Quote
Originally Posted by Moona
Bookmarks