Attention Guest, if you are not a member of Urdu Tehzeb, you have 1 new private message waiting, to view it you must fill out 
ہم آندھیوں کے بَن میں کسی کارواں کے تھے
جانے کہاں سے آئے ہیں جانے کہاں کے تھے
اے جانِ داستاں! تجھے آیا کبھی خیال
وہ لوگ کیا ہوئے جو تری داستاں کے تھے
ہم تیرے آستاں پہ یہ کہنے کو آئے ہیں
وہ خاک ہو گئے جو ترے آستاں کے تھے
مل کے تپاک سے نہ ہمیں کیجیے اُداس
خاطر نہ کیجئے کبھی ہم بھی یہاں کے تھے
کیا پوچھتے ہو نام و نشانِ مسافراں
ہندوستاں میں آئے ہیں ہندوستاں کے تھے
اب خاک اُڑ رہی ہے یہاں انتظار کی
اے دل یہ بام و دَر کسی جانِ جہاں کے تھے
ہم سے چھِنا ہے ناف پیالہ تیرا میاں
گویا ازل سے ہم صنفِ لب تشنگاں کے تھے
صد یاد یاد جون وہ ہنگامہ دل کے جب
ہم ایک گام کے نہ تھے پر ہفت خواں کے تھے
Reply With Quote
Bookmarks