Moona (02-11-2016)
4 چارفٹنس ایپلی کیشنز
فائزہ نذیر احمد
تندرستی ہزار نعمت ہے اور اس نعمت سے فیض یاب ہوتے رہنے کے لیے ضروری ہے کہ انسان اپنی صحت کا ہمیشہ خیال رکھے اور بیماریوں کے لاحق ہونے والے تمام خطرات سے آگاہ رہے۔ ٹیکنالوجی کی ترقی نے ہمیں نا صرف پیداواری صلاحیت بڑھانے میں مدد فراہم کی ہے ، بلکہ یہ بہت ساری معلومات کا مجموعہ چند سیکنڈ میں یکجا کرنے میں بھی مدد دیتی ہے ، جس کی وجہ سے طرز زندگی میں آسانیاں پیدا ہو رہی ہیں ۔ اب خوبصورت طریقے سے ڈیزائن کی گئی چند موبائل فون ایپلی کیشنز نے ہمیں صحت مند اور خوبصورت طرز زندگی گزارنے میں بھی ہماری مدد کی ہے ۔ اگر ہمیں کسی جم کی ممبرشپ ، کسی ٹرینر یا کسی ڈائیٹیشن کی ضرورت ہو تو ہمیں بغیر محنت کیے سب کچھ میسر آ سکتاہے۔یہاں 5 ایسی ایپلی کیشنز کے بارے میں آپکو بتاتے ہیں جو صحت مند طرز زندگی گزرنے میں آپکی مدد کر سکتے ہیں۔ رن ٹیسٹک رن ٹیسٹک ایک ایسی ایپ ہے جو آپ کی فٹنس کو بہترسے بہتر بنانے کیلئے ایک نوٹ پیڈ فراہم کرتی ہے اس کے علاوہ اس کے ذریعے آپ اپنی واکنگ کا دورانیہ اور فاصلہ بھی معلوم کرسکتے ہیں۔ یہ آپ کی سرگرمیوں کومزید بہتر بنانے میں آپ کی بھرپور طریقے سے رہنمائی کر سکتی ہے۔ یہ آپ کو ایک فہرست بناکر دیتی ہے کہ آ پ کیا کرینگے۔ 1۔ جب آپ پہلی مرتبہ ایپ کھولیں گے تو یہ آپ سے لوگ اون ہونے کے لیے پوچھے گا۔ 2۔ اپنا لوگ ان اکاؤنٹ بنائیں۔ اگر آپ کے پاس پروفائل ہے تو آپ اپنے اعدادوشمار کو ویب سائٹ پر مانیٹر کرسکتے ہیں اور اپنے کام کوایک جگہ پر(save) کر سکتے ہیں۔ 3۔ آپ سے نام، عمر ، وزن اور قد وغیرہ پوچھا جائے گا۔ 4۔ایپ میں موجود سیٹنگ کے ذریعے آپ اپنی پہلے سے درج کی گئی معلومات مثلا عمر وزن میں ردوبدل کر سکتے ہیں اور اپنا طے شدہ فاصلہ اور جسم کے درجہ حرارت پر نظر رکھ سکتے ہیں ۔ اس کی مدد سے آپکو آپکے سوشل میڈیا پر موجود اکاؤنٹ تک رسائی میں مدد حاصل ہوتی ہے ۔ 5۔ رن ٹیسٹک ایک مفت اپپ ہے اس میںآپ اپنی ورزش کے اوقا ت، رفتار، اور کیلوری کے ذریعے ہونے والی تبدیلیوں پر نظر رکھ سکتے ہیں۔یہ آپکی روزانہ ہفتہ وار اور مہینہ وار کرنے والی ورزش کے تمام تر ڈیٹا کو اکھٹا کرتا ہے اور اس کے بعد آپکے لئے ایک بہترین ورزش کا انتخاب کرتا ہے۔ 6۔آپ ساٹھ سے بھی زائد مختلف ورزشوں کا انتخاب کر سکتے ہیں مثلاً ویٹ لفٹنگ، پیدل چلنا ، باسکٹ بال یوگا ، زمبا ، گولف ، ٹریڈمل وغیرہ۔ 7۔ اس کی اضافی خصوصیات میں ورزش، دل کی شرح کا جانچنا ، مخصوص کلوریز ، گولف سیٹنگ اور تربیت تک پہنچنے کا راستہ ، لائیو موسم اور درجہ حرارت اپڈیٹ اور ورزش کے دوران گانے ، نغمے وغیرہ سننے کی سہولت دیتا ہے اس کے علاوہ پرووژن ٹریننگ کا پلان بھی بناتا ہے۔ 8 ۔اس میں موجود پدومیٹرایپ آپکی روزمرہ کے اقدامات پر نظر رکھنے کے لئے ہے ۔ایک ایپ آپکی اٹھک بیٹھک پر نظر رکھتی ہے۔ اور ایک ایپ آپکی روڈ پر بائیک رائیڈنگ اور پہاڑ پر بائیک رائیڈنگ پر نظر رکھتی ہے۔ انڈ ومونڈ و اسپورٹس ٹریکر انڈومونڈو اسپورٹس ٹریکر بھی رن ٹیسٹک ایپ کی طرح آپکی فٹنیس کی سرگرمیوں پر نظر رکھتا ہے ،لیکن ان دونوں میں بہت فرق ہے انڈومونڈو اسپورٹس ٹریکرر رن ٹیسٹکایپ سے زیادہ موثر ہے۔ یہ اپنے استعمال کرنے والوں کو مندرجہ ذیل سہولیات فراہم کرتا ہے۔ 1: آپ کی صحت کی نگرانی کے لیے فٹنس ٹیسٹ کرتا ہے۔ 2۔ اس کی مدد سے آپ ورزش کی سیٹنگ کو تبدیل کرسکتے ہیں۔ نو ویٹ نو لوز کوچ اس ایپ میں ایک پروفائل بنائیں جس میں جنس، عمر ، وزن اور قد کے بارے میں پوری معلومات ہوں۔ 1۔ اپنے وزن کے ہدف کو ظاہر کریں کہ آپ کیا چاہتے ہیں۔ 2۔ اس ایپ کا اصل مقصد آپکی غذا کا تعین کرنا، آپکی پورے دن کی کیلوری کی مقدار کا تعین کرنا اور اسکے بعد آپکو آپکے روزانہ کے وزن کم کرنے کے ہدف کے حساب سے کیلوری کی مقدار کی معلومات فراہم کرنا ہے۔ 3۔ اس ایپ کے اندر کیلوری کے حساب سے ہزاروں کھانوں کی فہرست موجود ہے جسے آپ اپنی روزمرہ کی فہرست میں شامل کر سکتے ہیں ۔ یہ بھی ممکن ہے کہ آپ جس غذا کا انتخاب کریں وہ اس میں موجود نہ ہو، لیکن پھر بھی یہ ایپ آپکو اپنے ڈیٹا بیس میں موجود ان کھانوں سے مشابہت رکھتے کھانوں کی کیلوری کے بارے میں لازمی معلومات فراہم کریگا ۔ 4۔ اس کے اندر ایک ریوارڈ سسٹم موجود ہے : آپ جتنا نوم ٹاسک پورا کریںگے، آپکو اتنے پوائنٹس ملیں گے ،جس کی مدد سے آپ ہائر فٹنس لیول کی سطح کا اندازہ ہو گا۔ ڈیلی یوگا بہتر طرز زندگی کے لئے کیا آپ آپنے جسم کے چربی کو ختم کرنا چاہتے ہیں۔ آپ چاہتے ہیں کہ وزن کم ہوجائے اور بہتر شیپ میں آجائے ؟ کیا آپ اپنے اعصابی تناؤ کو ختم کرنا چاہتے ہیں ؟ آپ کے تمام سوالوں کا جواب یوگا ہے۔ یوگا آپ کو صحت مند طرز زندگی کیلئے جسمانی، دماغی اور روحانی فوائد دیتا ہے۔ آئیے دیکھتے ہیں ڈیلی یوگا ایپ کس طرح آپ کی مدد کر سکتی ہے۔ 1۔ یہ یوگا کی بنیادی ویڈیو فراہم کرتا ہے۔ نئے شروع کرنے والوں کیلئے قدم بہ قدم رہنمائی، مخصوص آسان طریقے اور سانس لینے کی ٹیکنیک پر مشتمل ہے۔ 2۔ زیادہ تر ویڈیو فری ہیں۔ کچھ ویڈیوز کے پیسے دینا ضروری ہیں۔ اس میں گہری سانس لینا، آسان یوگا وغیرہ یہ سب نئے سیکھنے والوں کیلئے فری ہیں۔ 3۔ یوگا آپ کی جسمانی لچک کو بہتر بنانے کے لیے پروگرام شروع کرتا ہے۔ 4۔ یہ ایپ اس وقت بہترین کام کریگا جب آپکے پاس ایک بڑی سکرین والا سمارٹ فون یا ٹیبلٹ موجود ہے تو آپ اس ایپ سے زیادہ سے زیادہ فوائد حاصل کرسکتے ہیں۔ ٭…٭…٭
کہتے ہیں فرشتے کہ دل آویز ہے مومنحوروں کو شکایت ہے کم آمیز ہے مومن
Moona (02-11-2016)
Nice Sharing
Thanks for Sharing
کہتے ہیں فرشتے کہ دل آویز ہے مومنحوروں کو شکایت ہے کم آمیز ہے مومن
Moona (02-11-2016)
@intelligent086 Bhai
Thanks 4 informative sharing
intelligent086 (02-12-2016)
Moona (02-12-2016)
There are currently 1 users browsing this thread. (0 members and 1 guests)
Bookmarks