Quote Originally Posted by CaLmInG MeLoDy View Post

سرمایہ حیات ہے سِیرت رسول ﷺ کی
اسرارِ کائنات ہے سِیرت رسول ﷺ کی
پُھولوں میں ہے ظہُور ستاروں میں نُور ہے
ذاتِ خُدا کی بات ہے سِیرت رسول ﷺ کی
بنجر دِلوں کو آپ نے سیراب کردیا
اِک چشمہ صفات ہے سِیرت رسول ﷺ کی
چشمِ کلیم ایک تجلّی میں بِک گئی
جلووں کی واردات ہے سیرت رسول ﷺ کی
جور و جفا کے واسطے برقِ ستم سہے
دُنیائے التفات ہے سیرت رسول ﷺ کی
تصویر زندگی کو تکلّم عطا کیا
حُسنِ تصّورات ہے سیرت رسول ﷺ کی
ساغرؔ سرور و کیف کے ساغر چھلک اُٹھے
صبحِ تجلّیات ہے سیرت رسول ﷺ کی
(ساغر صدیقی)



سبحان اللہ
جزاک اللہ خیراً کثیرا