اسکول کی طویل چھٹیوں کی وجہ سے بچے ریاضی او

**intelligent086** · 08-17-2015, 10:43 AM

اسکول کی طویل چھٹیوں کی وجہ سے بچے ریاضی اورانگریزی میں کمزور ہوجاتے ہیں، تحقیق

ویانا: گرمیوں میں اسکول کی طویل چھٹیاں آتے ہی بچوں کے چہرے خوشی سے کھل اٹھتے ہیں اور سیر و تفریح کا ایک نہ رکنے والا سلسلہ شروع ہوجاتا ہے لیکن ان چھٹیوں میں بچوں کا پڑھائی سے تعلق کچھ کم ہو جاتا ہے جس کے باعث ایک نئی تحقیق میں یہ بات سامنے آئی ہےکہ چھٹیوں کےدوران بچے ریاضی اور انگریزی میں پیچھے رہ جاتے ہیں۔

آسٹریا کی یونیورسٹی میں کی گئی تحقیق میں یہ بات سامنے آئی ہے کہ چھٹیوں میں بچے ریاضی کے سوالات حل کرنے اور انگریزی کی اسپیلنگ یاد کرنے کو ایک بور کام سمجھتے ہیں اور وہ ان پر توجہ نہیں دیتے جس کی وجہ سے ان کی یہ دونوں صلاحیتیں کمزور پڑ جاتی ہیں۔ تحقیق کے دوران 10 سے 12 سال کے 182 بچوں کا ٹیسٹ لیا گیا جس میں یہ بات واضح طور پر سامنے آئی کہ بچوں میں ان دونوں مضامین میں صلاحیتیں کم ہوئی ہیں جب کہ ان کو دوربارہ واپس لانے میں مزید 2 ماہ لگ جاتےہیں۔

تحقیق میں یہ بات بھی سامنے آئی کہ اگرچہ بچوں کی ریاضی اور اسپیلنگ کی صلاحیتیں تو کم ہو جاتی ہیں تاہم ان کی ریڈنگ کی صلاحیت بڑھ جاتی ہے۔ ماہر نفسیات ماؤلا پائچر کا کہنا ہے کہ جب بچے اپنے چھٹیاں گزارنے ساحل پر جاتے ہیں تو وہ وہاں ریاضی کے سوالات کرنے کی بجائے ریڈنگ کو زیادہ فوقیت دیتے ہیں جس سے ان کی ریڈنگ کی صلاحیت میں اضافہ ہوجاتا ہے۔