SHAREHOLIC
  • You have 1 new Private Message Attention Guest, if you are not a member of Urdu Tehzeb, you have 1 new private message waiting, to view it you must fill out this form.

    + Reply to Thread
    + Post New Thread
    Results 1 to 5 of 5

    Thread: AmEeR gArEeB!!!

    1. #1
      The thing women have yet to learn is nobody gives you power. You just take it. Admin CaLmInG MeLoDy's Avatar
      Join Date
      Apr 2014
      Posts
      6,213
      Threads
      2245
      Thanks
      931
      Thanked 1,367 Times in 868 Posts
      Mentioned
      1038 Post(s)
      Tagged
      7966 Thread(s)
      Rep Power
      10

      AmEeR gArEeB!!!

      • Allah Ho Akbar!!!

        Majeed Darkht Ki Chaaoun Chor Ke Khara Ho Gaya

        Ya Allah Rehem Farma..Kitne Azaab Ki Ghutan Hai ,Pata Nahi Kab Meri Zindagi Main Bhi Araam Moyassar Hoga. Ameer Khud Toh Ac On Kar Ke Rehte Hain.Garmi Main Note Dikha Ke Ham Jaise Beesiyoun Ghulamoun Se Khoob Kaam Karwate Hain.



        Kamaale Zara Hath Lagwa Eentoun Ka Wazan Utha Utha Ke Mere Hath Kaamp Rahe Hain. Aur Kandhoun Pe Eentoun Ko Laad Kar Majeed Seerhiyaan(Stairs)Charhne Laga.Chand Rupay Ki Khatir Shadeed Garmi Main Majeed Din Bhar Kaam Karta Seerhiyan Charh Kar Zer-E-Taameer Imarat Pe Eentain Pohonchta.Majeed Ameeroun Ki Behissi Pe Unko Apne Dil Main Laan Taan Karta .Behiss Ameer Insan Ko Kisi Machine Ke Purzay Ki Tarha Istimal Karte Hai.Aik Purza Kharab Hua Badal Ke Naya Purza Laga Liya.



        Gareeb Jhaar Ponch Karte Hain, Jootay Gaanthte Hain,Apni Miskeeni Aur Maasoomiyat Ke Hissar Main Bachpan Se Apne Phooloun Jaise Hathoun Ko In Ameeroun Ke Koore Karkat Main Masalte Hain.Khane Ko Na Mile Toh Is Hi Koore Se Ameeroun Ka Bacha Kucha Apne Halaq Se Utaarte Hain..



        Chand Rupay Kamane Ko Sarkoun Pe Bhaagte Kabhi Das Rupe Ka Rumaal, 60 Rupe Ke Zaarband ,Toh Kabhi Wind Screen Saaf Karne Ka Towel Baichte Nazar Aate Hain.Par Ameer In Ko Jhirrak Ke Aage Barh Jate Hain.Bhala Socho Agar Paisa Hota Toh Kya Ham Gareeb Is Tarha Sarkoun Pe Rupay Rupay Ki Cheez Baichte Nazar Aate. Aaj In Ki Aulad Taaleem, Khane Peene, Pehnawe Ke Liye Paise Ki Mohtaaj Hoti.. Toh In Ko Pata Chalta.In Ke Joote Mehnat Kar Ke Phat Gaye Hote Toh In Ko Ehsaas Hota, Mehnat Ka Pait Bhar Sila Toh Dete.Ye Hi Sochte Sochte Pata Nahi Kitne Chakkar Majeed Ne Oopar Se Neeche Aur Neeche Se Oopar Laga Liye.



        Saamne Park Main Pathan Bacha Aik Tube Rod Ko Naali Ke Dono Taraf Halke Halke Maar Raha Tha.Taa-Ake Tube Rod Ka Kaanch Toot Jaye Aur Baaki Ka Loha Lankar Apne Thaile Main Daal Raha Tha.Sab Paise Ke Liye.Majeed Aise Kafi Sare Waaqiyaat Roz Apni Aankhoun Se Daikhta.Khud Ka Darja Ashraf-Ul-Makhloqaat Paa Ke Wo Shukar Bhi Ada Karta Aur Sochta Ke Wo Ghore Gadhoun Ki Tarha Janwar Toh Nahi Ke Jin Pe Unki Himmat Se Bhi Ziada Wazan Laada Jata Hai.



        Jee Sb Jee!!!



        Majeed Chonka Aur Mehwar-E-Soch Se Bahar Nikla. Majeed Ne Mange Toh 1000 Rupe The Par Sb Jee Ne 500 Udhaar De Kar Majeed Ko Chup Karwa Dia Ke Abhi Bas Ye Hi Hain. Zaroorat Ho Toh Phir Batana..Majeed Bhi Samajh Gaya Ke Itne Pe Iktifa Kar Le Toh Theek Hai.Wah Re Qismat. Sara Din Ki Dihaari Bhi Sirf 400 Rupe Aur Ye 500 Mila Ke Bhi 1000 Nahi Bante. Ye Bhi Sahare Ko Kaafi Hain.Dil Ko Jhooti Tassali De Kar Majeed Ne Apne Kapre Badle.Sham Bhi Ho Gai Thi.Jisam Dard Se Choor Choor Ho Raha Tha. Bistar Hota Toh Majeed Waheen Dhair Ho Jata.



        Majeed Aur Kamale Ne Cycles Pe Ghar Ka Rukh Kia.Yar Ham Gareeb Na Hote Toh Ye Ameer Kahan Jate..Koun In Ke Mehel Taameer Karta. In Ke Jhoote Bartan Dhota ..Koun In Ke Baal Kaat Ta. In Ke Liye Janwar Zibbah Karta.Abhi Ham Main Se Kisi Ka Rishta In Ke Haan Jaye Toh Na Sirf Inkar Kar Dainge.Balke Sou Salawaatain Bhi Sunayen Ge. Ham Toh Kya Kisi Deendar Khateeb Ke Haan Bhi Rishta Karna In Lougon Ko Touheen Lagta Hai.Taleem, Ghar, Makaan, Paise Ka Taana Dainge.Majeed Ko Laga Ke Aik Wo Hi Pareshan Nahi Hai Balke Us Ka Yaar Kamal Bhi Is Hi Azziyat Ka Shikar Hai



        Yar Wo Daikh Majeed Bola!!!



        Ameeroun Ko Rah Chalte Gareeb Nazar Nahi Aate. Ye Faqeer Zara Aankh Ojhal Karta Toh Is Tez Rafter Car Ki Nazar Ho Jata. Aik Aur Car Wale Ne Awaz Lagayee Abbe Oh,Nazar Nahi Aa Raha Tujhe .Sala Gaari Ke Zoum Main Kisi Aur Ko Daikh Hi Nahi Pa Raha Apni Gaari Se Utar Kar Jaib Se Pachaas Ka Note Nikala Aur Faqeer Ke Hawale Kia. Usko Bhi Daanta .Yar Aik Toh Tum Lougon Se Kaam Kaj Nahi Kia Jata Apni Zindagiyan Daow Pe Laga Ke Sarak Ke Beechoun Beech Bheek Mang Rahe Hote Ho,Aur Wapas Apni Car Main Chala Gaya.



        Aik Wo Tez Raftaar Car Wala Tha Aur Aik Ye Pachaas Rupe Wala Ameer Hai. Tu Aur Main Hain..Aur Aik Ye Faqeer Hai.Yar Izzat Toh Sab Ki Aik Si Hoti Hai.Bhikaariyoun Ki Waja Se Ham Mehentiyoun Ki Izzat Nahi ,Ye Hath Na Phailaate Toh Ham Mehnat Mazdoori Karne Wale Jiyaale Kehlate..Ameeroun Ki Nazar Main Giraane Main Khud Ham Gareeboun Ka Hath Hai.Hamain Shakir Hona Chahiye Apne Naseeb Par! Majeed Ham Ameeroun Ka Kya Bigar Rahe Hain. Mehnat Kar Ke Kamate Hain.





        Insan Bare Ajeeb Hote Hain.Ameer Apni Had Se Neeche Daikhna Apni Touheen Samajhta Hai.Gareeboun Ka Housla Nahi Parta Ke Apni Had Se Ooncha Daikh Sakain.Ye Sara Farq Sirf Aik Paise Ki Waja Se Hai.Paisa Ameer Lougon Ke Hath Ka Mail Hai.Magar Ameer Is Mail Ko Samhbhal Ke Rakhta Hai..Jab Ke Allah Paak Farmate Hain Ke



        “Tum Main Se Kisi Ko Kisi Pe Koi Fazeelat Hasil Nahi.Haan Magar Taqwa Par”





        Gareebi Gunnah Nahi. Insan Chaar Gaz Zameen Pe Kuch Sabziyaan Uga Le Toh Bhi Pait Bhar Kha Sakta Hai. Hath Phailane Se Toh Behtar Hai.



        Zindagi Kya Kisi Mufliss Ki Qaba Hai Jis Main

        Har Ghari Dard Ke Paiwand Laga Karte Hain...!



        Majeed Ne Dua Mangna Shroo Ki ,Mujhe Itne Maal Se Nawaz Mere Malik Ke



        Ho Mera Kaam Gareeboun Ki Himayat Karna

        Dardmandoun Se Zaeefoun Se Mohabbat Karna



        ‘Parwardigar Main Tera Banda Hon Mera Bap Bhi Meri Maan Bhi Tere Gulam Aur Qaneez The Main Tere Qabze Main Hoon Meri Paishaani Tere Hath Main Hai Mere Poore Wajood Main Tera Hukum Hai.Toh Meri Rooh Main.Aur Meri Ragg Ragg Main Quraan Ki Taaleem Aam Kar De Aameen!!’



        Ye Dua Mangte Hue Majeed Ne Kamal Ko Allah Hafiz Kaha.




      Similar Threads:





    2. #2
      Respectable www.urdutehzeb.com/public_html KhUsHi's Avatar
      Join Date
      Sep 2014
      Posts
      6,467
      Threads
      1838
      Thanks
      273
      Thanked 587 Times in 428 Posts
      Mentioned
      233 Post(s)
      Tagged
      4861 Thread(s)
      Rep Power
      198

      Re: AmEeR gArEeB!!!

      Great sharing






      اعتماد " ایک چھوٹا سا لفظ ھے ، جسے
      پڑھنے میں سیکنڈ
      سوچنے میں منٹ
      سمجھنے میں دِن
      مگر

      ثابت کرنے میں زندگی لگتی ھے





    3. #3
      The thing women have yet to learn is nobody gives you power. You just take it. Admin CaLmInG MeLoDy's Avatar
      Join Date
      Apr 2014
      Posts
      6,213
      Threads
      2245
      Thanks
      931
      Thanked 1,367 Times in 868 Posts
      Mentioned
      1038 Post(s)
      Tagged
      7966 Thread(s)
      Rep Power
      10

      Re: AmEeR gArEeB!!!

      Quote Originally Posted by Rania View Post
      Great sharing
      sharing toh hai.par meri apni tehreer hai ye @Rania






    4. #4
      Administrator Admin intelligent086's Avatar
      Join Date
      May 2014
      Location
      لاہور،پاکستان
      Posts
      38,412
      Threads
      12102
      Thanks
      8,639
      Thanked 6,948 Times in 6,474 Posts
      Mentioned
      4324 Post(s)
      Tagged
      3289 Thread(s)
      Rep Power
      10

      Re: AmEeR gArEeB!!!

      لکھ کر کہاں چھپایا ہو تا ہے


      عمدہ اور خوب صورت تحریر



      ‘Parwardigar Main Tera Banda Hon Mera Bap Bhi Meri Maan Bhi Tere Gulam Aur Qaneez The Main Tere Qabze Main Hoon Meri Paishaani Tere Hath Main Hai Mere Poore Wajood Main Tera Hukum Hai.Toh Meri Rooh Main.Aur Meri Ragg Ragg Main Quraan Ki Taaleem Aam Kar De Aameen!!’
      ثمہ آمین یا رب العالمین







    5. #5
      The thing women have yet to learn is nobody gives you power. You just take it. Admin CaLmInG MeLoDy's Avatar
      Join Date
      Apr 2014
      Posts
      6,213
      Threads
      2245
      Thanks
      931
      Thanked 1,367 Times in 868 Posts
      Mentioned
      1038 Post(s)
      Tagged
      7966 Thread(s)
      Rep Power
      10

      Re: AmEeR gArEeB!!!

      Quote Originally Posted by intelligent086 View Post
      لکھ کر کہاں چھپایا ہو تا ہے


      عمدہ اور خوب صورت تحریر



      ‘Parwardigar Main Tera Banda Hon Mera Bap Bhi Meri Maan Bhi Tere Gulam Aur Qaneez The Main Tere Qabze Main Hoon Meri Paishaani Tere Hath Main Hai Mere Poore Wajood Main Tera Hukum Hai.Toh Meri Rooh Main.Aur Meri Ragg Ragg Main Quraan Ki Taaleem Aam Kar De Aameen!!’
      ثمہ آمین یا رب العالمین




      likha hua toh bohto waqt pehle ka hai..roman main tha.toh soch rahi thi urdu main typing ke baad post karoongi.par typing ka tme hi nahi mill pata.






    + Reply to Thread
    + Post New Thread

    Thread Information

    Users Browsing this Thread

    There are currently 1 users browsing this thread. (0 members and 1 guests)

    Visitors found this page by searching for:

    Nobody landed on this page from a search engine, yet!
    SEO Blog

    User Tag List

    Posting Permissions

    • You may not post new threads
    • You may not post replies
    • You may not post attachments
    • You may not edit your posts
    •