Attention Guest, if you are not a member of Urdu Tehzeb, you have 1 new private message waiting, to view it you must fill out 
ذہین لوگوں کے آئیڈیاز
ایک پینٹ بنانے والی کمپنی کے نوجوان اکائونٹینٹ نے مجھے بتایا کہ مجھے بہت کامیابی ہوئی کیونکہ دوسرے لوگوں کے آئیڈیاز سے میں نے بہت کچھ سیکھاہے۔ میں ایک عام پیشہ ور اکائونٹینٹ تھا۔ ایک دن میرے ایک دوست نے مجھے شہر کی کمپنی کے ایک گروپ سے ملوایا۔ ان میں سے ایک عمررسیدہ شخص نے گفتگو کرتے ہوئے کہا کہ شہر کی آبادی تیزی سے بڑھ رہی ہے او رآئندہ بیس سالوں میں یہ آبادی دوگنا ہو جائے گی۔ اس کے علاوہ شہر دور دور تک پھیل جائے گا۔ اس شخص کی گفتگو نے مجھے بہت متاثر کیا۔ مجھے اس کی گفتگو سے ایک آئیڈیا بھی ملا۔ اس آئیڈیا کو میں نے لکھ لیا اور اس آئیڈیا پر عمل شروع کر دیا اور بہت اچھے نتائج ملے۔ ذہین لوگوں کے آئیڈیاز آپ کی صلاحیتوں کو نکھار دیتے ہیں، اس لیے ان کا فائدہ اٹھانا چاہیے۔ -1 اپنے آئیڈیاز کا تجزیہ کیجیے۔ ان آئیڈیا کو ایک فائل میں سنبھال کر رکھیں۔ فائل میں لکھے ہوئے ان آئیڈیاز کا باقاعدگی سے مطالعہ کریں۔ غیرضروری اسباب وجوہات سے نجات حاصل کریں مفید آئیڈیا کو کام میں لائیں۔ -2 اپنے آئیڈیاز میں مزید بہتری پید اکریں۔ اس سے آپ کے آئیڈیا میں وسعت پیدا ہو گی۔ اپنے آئیڈیا کو دوسروں کے آئیڈیاز کے ساتھ ملا کر سوچ بچار کریں۔ تمام پہلوئوں سے اس کا جائزہ لیں اور اس پر عمل شروع کر دیں۔ آپ کا مستقبل بہت روشن ہو گا۔ جب کوئی ماہر تعمیرات نئی عمارت بنانے کا آئیڈیا سوچتا ہے ، وہ پہلے اس کا نقشہ بناتا ہے۔ اسی طرح ٹیلی ویژن کمرشل بنانے والا پہلے کہانی کا خاکہ بناتا ہے اور جب کوئی مصنف نیا ناول لکھتاہے تو وہ بھی پہلے اس کاپلاٹ تیار کرتا ہے۔ آپ بھی اپنے آئیڈیا کو پہلے کاغذ پر لکھیں اور اس کی دو وجوہات لکھیں۔ جب آئیڈیا واضح ہو جائے تو اس پر ایک تنقیدی نظر ڈالیں اور ضرورت کے مطابق اس میں اگر کوئی کمی ہو تو اس کو دور کریں۔ اس طرح آپ کا آئیڈیاٹھوس حالت میں آ جائے گا۔ پچھلے موسم گرما میں میری ملاقات بیمہ کمپنی کے دو نمائندوں سے ہوئی۔ یہ دونوں ہی مجھے بیمہ پالیسی فروخت کرنا چاہتے تھے۔ دونوں نے ہی مجھے کہا کہ ہم ضروری کاغذات تیار کر کے آپ کے پاس آئیں گے۔ایک صاحب ان میں کچھ زیادہ ہی پریشان تھے۔ اس نے مجھے ٹیکس، سوشل سکیورٹی اور نہ جانے کیا کیا بتایا اور مجھے بھی پریشان کر دیا۔ دوسرے صاحب کافی سلجھے ہوئے تھے۔ اس کا کام کرنے کاطریقہ بھی مختلف تھا۔ انہوں نے تمام تفصیلات ایک ڈایاگرام کی شکل میں لکھی ہوئی تھیں۔ اس نے میرے لیے کافی اچھا کام کیا تھا اور مجھے ہر چیز کی سمجھ آ گئی تھی۔ اس لیے میں نے اس سے پالیسی خرید لی۔ اپنے آئیڈیا کو قابل عمل بنانے کیلئے لکھ لیں یا اسے کسی شکل اور ڈایاگرام کی صورت میں بنائیں۔ ایسی چیزیں زبانی گفتگو سے زیادہ مفید بن جاتی ہیں۔ (ڈاکٹر ڈیوڈ جوزف شیوارڈز کی کتاب بڑی سوچ سے ماخوذ)
Similar Threads:
Reply With Quote
Bookmarks