Attention Guest, if you are not a member of Urdu Tehzeb, you have 1 new private message waiting, to view it you must fill out 
tum na maano magar haqeeqat hai
ishq insaan kii zaroorat hai
kuchh to dil mubatalaa-e-wahashat hai
kuchh terii yaad bhii qayaamat hai
mere mahaboob mujh se jhooTh na bol
jhooTh soorat-e-gar sadaaqat hai
jii rahaa hooN is aitamaad ke saath
zindagii ko merii zaroorat hai
husn hii husn jalwe hii jalwe
sirf ehasaas kii zaroorat hai
us ke waade pe naaz the kyaa kyaa
ab dar-o-baam se nadaamat hai
us kii mahafil meN baiTh kar dekho
zindagii kitanii Khubsoorat hai
raastaa kaT hii jaayegaa 'Qabil'
shauq-e-manzil agar salaamat hai
Similar Threads:
Reply With Quote
Bookmarks