Welcome Ji Welcome
Assalam O Alaikum
umeed hai k aap sab bakhair o afiyat honge.
aik muhtarma hai jo iss forum ki admin bhi hain,kuch din pehlay unhon ne aik silsila shoro kiya,
interview ka,,,,,,,,jis ne achay achon ka interval kar diya
aik dosri taraf muhtarma ne uksanay ka kaam bhi jari rakha k main kisi ko iss garam a garam kursi e shamat e amal yani hot seat par barajaman karon.
pehlay tou main shareef bachi bani rahi,k kiyun kisi bechay ki dil azari ka bais banon
but phir maine socha..........kiyun na jaisay ko tesa kiya jaye,
nehlay pay dehla aur aap apnay daam main sayad aagya k muhawarray tou aap logon ne sunay hi honge
nahi sunay........chaliye amli muzahira dekh lijiye ga iss interview main...!
tou janab dil,jigar,gurda,phaiphra........ jo marzi samnbhal kar baithye,
kiyun k mujhe tou jisay bulana hai ussay bula kar hi rahon gi..!
ye aik aisi azeem hasti hain jo kabhi tou ghadhay k sar say seeng ki tarhan ghayab rehti hain aur kabhi har lamha sar par sawar,
qainchi bhi itni taizi say nahi chalti jitni farawani say inki zuban apnay kamalat dikhati hai,
jahan aag na lagti ho wahan in say atish fishan ubalwa lain,
aur bhi aisi kai khoobiyan hain
tou janab purzor yani warm welcome kijiye
the one and only
Rubby dubby do,
darling of mine
Calming Melody
sab say pehlay meray be tukay,bina sar pair k sawalat.
Q1: theek tou tum hogi hi,ya batao nashtay main kiya khaya...logon k maghaz k elawa?
Q2: ghar main kaun kaun tum say panah mangta hai?
Q3: kis ki shamat sab say ziyada ati hai jab tum apni zubani topon ka rukh uski taraf morti ho?
Q4: bolnay ka ye shoq paidaishi hai ya baray honay k baad tumhain ye demaghi khalal waqay hua?
Q5: likhti ho aur humaray parhwa kar sar main dard bhi karti ho,,ya batao kiya parhti bhi aisi hi kitabain ho?
Q6: kiya asaan hai,zindagi tou parhna ya jeena?
Q7: shuker hai tum aik ho,agar do hotin tou kiya hota?
Q8: pasandedah drmai kirdar?
Q9: itnay puranay ganay kiyun sunti ho?
Q10: bharat say itna piyar kiyun hai tumhay?
abhi k liye itna hi..............baqi baad main tumhay maza chakhaon gi,k abhi tou bazi shoro hoi hai
aap sab bhi aaiye,pehlay welcom kijiye aur phir apnay sawalat..........lekin koi behudgi ka muzahira nahi ho,aur sawalat aisay hoon k rubby darling ko bhi lag pata jaye,,,,,,,,,interview main interval kaisay hota hai........hahahahhaha
Similar Threads:
!میری زمیں میرا آخری حوالہ ہے۔۔۔۔
Welcome Ji Welcome
خوش آمدید۔
آپ کے جوابات کا انتظار ہے۔
Mamin Mirza
oh..aaj subha se mujhe cheenkhian aa rahi theen.. tabiyat main kuch bechaini paai jaa rahi thi..sath main aisa bhi mehsoos ho raha tha .jaise koi wabaal-e-jaan lahaq hone ko hai
yahan aa kar pata ke wabaal-e-jaan lahaq hone ko nahi.balke lahaq ho chuka hai.. .. ae behen mamin ji.akele main bula ke chaahe chamri utaar leteen ..par ye sar-e-mehfil bulaa kar kaahe ko meri pol khulwaaye hain .
lakin aap ne jaise ke khud kaha keh daam main aa gaya saiyaad ..toh ji ham basad shoq aaye .. toh aaiye jee bhar ke khaal utaariye ..aur sab se mill kar utarwaaiye..
aik aur mahaawra bhi hai..naakoun chane chabwaana..aap log saiyaad ko daam main laaiye....saiyaad aap ko naakoun chane chabwaaye ga
nehle pe dehla ..
haye waise dar bhi lag raha hai...tussi the great jo ho .. aur aap ki jaanib se..ye dil pharrkaane waala amal first time daikhne ko mila..toh abhi toh dharkanain rawaan ho gai hain..daikhte hain kia hota hai..
sab se pehle toh thank you shankyou is saada dil, aur aik aam si insan ko hot seat pe bithaane ka..
lijiye ye cushion aur araam se baithiye...main hon na yahan..
aur aap ke ru baru
for such a wonderfull welcome on this hot seat.. dil main pathaakhe baj rahe hain
ye aik thank you pathaakha aap bhi catch kijiye.jab tak main yahan aap ke sath hoon
tab tak aap isko hifz-e-mataqqdum ke tor pe thaame rakhiye..
Q1: theek tou tum hogi hi,ya batao nashtay main kiya khaya...logon k
maghaz k elawa?
naashta toh baraiye naame hota hai mere. aaj bohot ziaada khaa liya toh aik bread slice. warna aik aadh buiscuit se kaam chal jata hai.
Q2: ghar main kaun kaun tum say panah mangta hai?
ittifaq se koi nahi. pannah ki bajaye time maangte hain
Q3: kis ki shamat sab say ziyada ati hai jab tum apni zubani topon ka rukh uski taraf morti ho?
haye kisi ki bhi nahi. oonchi awaz main toh bat karni aati hi nahi hai mujhe. haan ghussa agar utaarna ho toh bas ghar ke chote bachoun pe wo bhi is bat pe ke tv ki awaz kam karo
Q4: bolnay ka ye shoq paidaishi hai ya baray honay k baad tumhain ye demaghi khalal waqay hua?
ye khalaal sirf net ki had tak mehdood hai. aur net main ne almost 2004 main use karna start kia..bas tab se jo meri zubaan ne typing ka qalam thaama hai. rukne ka naam hi nahi le raha . warna aik hi sister hone ke hawale se ziaada batain nahi karti kabhi bhi.
Q5: likhti ho aur humaray parhwa kar sar main dard bhi karti ho,,ya batao kiya parhti bhi aisi hi kitabain ho?
adab ke hawaale se kitaboun se koi khaas afaaqa haasil kia nahi hai main ne. .ye likhna likhaana bas apni soch ko kaaghaz par utaarna hai. aur jo soch zehen main aa rahi hoti hai.joon ki toon kaghaz par utar aati hai..had toh ye hai ke phir isko edit karna bhi mushkil se hi gawaara karti hon.aap ba hesiyat ustaad sath deti raheen toh editing bhi karoongi apni writings main
Q6: kiya asaan hai,zindagi tou parhna ya jeena?
dono mushkil hain. magar in ko aasaan banaaya ja sakta hai..dono baatoun ki taraf se la parwaah ho kar. bas jiye jaow.aur khud ko khush rakhe jaow.
Q7: shuker hai tum aik ho,agar do hotin tou kiya hota?
main aik hoon..is ka nuqsan hai. akele pan ka shikar ho jati hon.do hote toh ye akela pan nahi hota.
Q8: pasandedah drmai kirdar?
mujhe riwaaiti kirdar pasand nahi aate. rona dhona..daramas ya movies chehekti pharakti honi chaahiye.. jaise ke aaj kal aik pakistani drama hai bashar momin, us main faisal qureshi ka kirdaar . aur jaise aik indian movie thi company us ka negative kirdar abhi yad nahi aa raha. bas is type ke kirdar pasand hain.
Q9: itnay puranay ganay kiyun sunti ho?
mohabat hai puraane gaanoun se ..sirf ye soch kar ke ye mere abbu ki pasand hain.. aur ye soch mujhe aksar rula deti hai ke ..Allah na kare kabhi ye waqt bhi toh aaye ga ke ye aawazain mere kaanoun main khud se kabhi nahi jaaye gi. Allah pak mere father ko sehat tandurusti aur lambi zindagi se nawaaze aameen.
Q10: bharat say itna piyar kiyun hai tumhay?
hmm. I am a pure pakistani.. haan par wahan ka culture almost ham se milta julta hai..magar wahan ke dramas mujhe bilkul bhi nahi pasand. pyar toh nahi kaha ja sakta..han par nafrat bhi nahi hai mujhe bharat se.
abhi k liye itna hi..............baqi baad main tumhay maza chakhaon gi,k abhi tou bazi shoro hoi hai
kion dara rahi hian jee
aap sab bhi aaiye,pehlay welcom kijiye aur phir apnay sawalat..........lekin koi behudgi ka muzahira nahi ho,aur sawalat aisay hoon k rubby darling ko bhi lag pata jaye,,,,,,,,,interview main interval kaisay hota hai........hahahahhaha
waiting ji waiting..
Mamin Mirza
bechay hum balaye jaan hain,jonk ki tarhan chimatay hain aur jaan nahi chortay
balkay humari misal tou uss daimi marz ki si hai jis elaj koi nahi,sirf marg hi hum say jaan churwa sakti hai,hahahahahahaha
aur humaray yaad karnay par sirf chinkain........... ch ch ch ch ch ch ch
betay,phanday,thaskay,khansi ye sab nahi hua tumhay ;hansi::
chalo waqt bataye ga,kis main kitna hai...............ahum ahum
tum mujhe kiya ye phul jhari day rahi ho,yaar,
ye lo tumhari shaan main 21 topon ki salami,
rakhi tou akhir k liye thi k jab haftay baad ye interview khatam hoga tab tumhari nazar karon gi
magar abhi dena par raha hai mujhe
dratay waratay hum nahi,sirf mutanabeh kartay hain,baqi samnay walay ki marzi
wesay darnay wali tum ho nahi,mujhe maloom hai ;;;
!میری زمیں میرا آخری حوالہ ہے۔۔۔۔
kitnay achay achay main ghair sanjeeda sawalat kiye thy,
tum ne wahi falsafiyana andaz ikhityar kar k sab kiye karaye par pani phair diya,
aisi durgat banai hai meray sawalat ki k al aman alhafeez
ab main tum say wahi lagay bandhay sawal karon gi jaisay k
Q1: aapne raat ka khana theek say khaya,,,,,,,,,,khanay main kiya pakaya?
Q2: soti kis waqt ho.......macharon say dosti hai ya sari raat jang karni parti hai,meri tarhan?
Q3: high heel pehanna pasand hain ya nangay pair hi ghomti ho ab tak bachpan ki tarhan?
Q4: sari pehan ki kabhi munh k bal girin?
Q5: din main taray nazar anay ka koi waqiya kabhi waqu pazeer hua ho tumharay saath tou bayan karo,woh bhi intehai ghair sanjeedgi say?
!میری زمیں میرا آخری حوالہ ہے۔۔۔۔
There are currently 1 users browsing this thread. (0 members and 1 guests)
Bookmarks