جھیل سیفولملوک

**CaLmInG MeLoDy** · 11-05-2014, 01:19 PM

خدا کو ہم اسکی بنائی ہوئی کائنات میں اسکی پیدا کردہ مخلوق اور عجیب و غریب عجائبات جو انسان کو ایک بار حیران کر دیتے ہیں، سے کافی حد تک پہچان سکتے ہیں. اس نے انسان کے سکون کے لئے ایسے قدرتی مناظر سے اس کائنات کو نوازا ہے، جو اسے راحت بخشتے ہیں. جھیل سیفولملوک بھی اسی بات کی ایک نشانی اور دلیل بھی ہے. یہ جھیل دنیا میں جنت کا سا سماں لئے ہوے ہے. جھیل سیفولملوک ناران کے قریب وادی کاغان میں پہاڑوں کے درمیان واقع ہے. یہ پاکستان کے صوبے خیبر پختونخواہ میں ڈسٹرکٹ مانسہرہ کے شمال مشرق میں واقع ہے. یہ پاکستان میں سب سے زیادہ بلندی پے پائی جانی والی جھیلوں میں سے ایک ہے. یہ سطح سمندر سے 3224 میٹر کی بلندی پر ہے. دن میں یہاں کا درجہ حرارت پھر بھی مناسب ہوتا ہے لیکن رات میں درجہ حرارت منفی ڈگری پے پہنچ جاتا ہے. جبکہ سردیوں میں یہاں کا درجہ حرارت نقطہ انجماد تک پہنچ جاتا ہے. اور زندگی نا پید ہو کر رہ جاتی ہے. مہشور شاعر میاں محمد بخش نے اس جھیل اور اس کے اردگرد کی خوبصورتی کو دیکھ کے اسے "پریوں کے جہاں" کا نام دیا. جب کہ یہاں کے لوگوں کا خیال بھی ہے کہ چاند کی چودھویں تاریخ کو جب چاند مکمل ہوتا ہے. تب یہاں پریاں اترتی ہیں. انسان کو یہاں کے حصار میں قید کر لینے والے مناظر اور ایک عجیب مقناطیسی کشش کی وجہ سے بہت سے مصنفین نے بہت کہانیاں بھی لکھی ہیں. اس جھیل کی گہرائی آج تک نہیں ناپی جا سکی. 1990 میں کوشش کی گی تھی لیکن 5 ٹن وزنی زنجیر جس سے ناپہ جا رہ تھا پانی میں ہی گر کر غایب ہو گی.