“نان بلیورز ”

**Arosa Hya** · 10-11-2014, 06:42 PM

خدا پر مظبوط یقین رکھنے والے مریض “نان بلیورز ” کے مقابلے میں جلد صحت یاب ہوتے ہیں ....
!!
دسمبر کی ایک صبح، اس نے اپنے آپ سے سوال کیا: “خدا کو کیسے یاد کیا جاتا ہے؟”
تو منظر تحلیل نہ ہوا ،ذہن لاجواب نہ ہوا، اس نے سوچا، “خدا سے مدد مانگنا ہی اسے یاد کرنا ہے. ” ہیلپ می گاڈ ” اور پھر ” گاڈ” اس کے ذہن سے ہی چپک گیا، حتی کہ وہ ہر سانس کے ساتھ آسمان سے سفید دودھیا روشنی کی ایک لکیر اترتے دیکھتی اور بے اختیار دہراتی “ہیلپ می گاڈ “
یہ تین لفظ اس نے کتنی بار دہراے ،اسے نہیں یاد . بس یاد ہے تو… اتنا کہ جب تک جاگتی “ہیلپ می گاڈ” کے الفاظ دہراتی چلی جاتی. جب سو جاتی تو اس کا دل دہراتا رہتا. بلکل اسی طرح جس طرح اس کی نیلی،چمک دار اور عمیق آنکھیں چہرے کا حصہ تھیں، جس طرح تیز دھار ہونٹ اس کے وجود میں شامل تھے، جس طرح وہ اپنے سنہری بالوں کے بغیر ادھوری تھی اور جس طرح وہ اپنی نرم آواز کے بغیر نا مکمل تھی.
مارچ کی اس صبح میڈیکل سائنس کی دنیا دھماکے سے لرز اٹھی. سینٹ لوئس کے اس ہسپتال نے کیتھرائن کو مکمل طور پر صحت یاب قرار دے دیا. کینسر کی ایسی مریضہ جو تین ماہ سے موت کی طرف بھا گ رہی تھی اور جو امید کھو چکی تھی،
الوداع کہنے سے پہلے کیتھ نے امریکی ڈاکٹروں کو صحت کا نسخہ بتا دیا. “ہیلپ می گاڈ”
ڈاکٹروں نے حیرت سے پوچھا: ” وٹ ڈو یو مین” کیتھ نے بتایا: ” جب اس نے ان تین لفظوں کا ورد شروع کیا تو سب سے پہلے اس کا درد ختم ہوا، پھر زخم پر کھرنڈ اترے اور آخر میں ایک نئی اور صحتمند جلد نے زخم کے نشان تک مٹا دِیے
.
کیتھ کے اس کیس نے میڈیکل سائنس کو نئی “ڈای مینشن ” دے دی، پورے امریکا میں سروے کیا گیا، پتا چلا، خدا پر مظبوط یقین رکھنے والے مریض “نان بلیورز ” کے مقابلے میں جلد صحت یاب ہوتے ہیں.
از جاوید چودھری ، زیرو پوانٹ