ملبوسات کے برانڈ زارا کے نئے لباس پر بحث کہ &#
فیشن کی دنیا میں ایسی چیزیں بھی حیران کن بن جاتی ہیں جو کبھی ماضی میں عام رہی ہوں۔
اور شاید ایسا ہی کچھ ہوا ہے ملبوسات کے معروف برانڈ زارا کی پیش کردہ ’لُنگی‘ کے ساتھ۔
اب اس لباس کے استعمال کی نوعیت آپ کے قیام کے مقام پر منحصر ہے چاہے آپ اسے خود پہنے ہوئے ہیں، یا آپ کے والد اور دادا کبھی اسے پہنا کرتے تھے، یا ایک سیاح کی حیثیت سے آپ کسی مندر یا مقدس مقام پر جاتے ہوئے اپنی ٹانگیں ڈھکنا چاہتے ہیں۔
لنگی، تہبند، دھوتی یا سارونگ کہلانے والے اس لباس نے ہائی ا سٹریٹ یا عام بازاروں میں بھی جگہ بنا لی ہے۔
https://ichef.bbci.co.uk/news/624/cp...-496220168.jpg
لُنگی ایک ایسا کپڑا ہے جو کمر پر لپیٹ کر سامنے کے رُخ پر لا کر باندھ دیا جاتا ہے۔
یہ جنوبی اور جنوب مشرقی ایشیائی ممالک اور عرب دنیا میں کئی نسلوں سے مردوں کے لیے آزمودہ لباس ہے۔ انڈیا اور پاکستان کے کچھ علاقوں میں تو خواتین بھی لنگی پہنتی ہیں۔
ڈھیلی ڈھالی، ہلکے کپڑے کی لنگی گرم آب و ہوا کے لیے بہترین ہے جبکہ اس کی لمبائی پہننے والی کو جدید اور قابلِ دید بناتی ہے۔ یہ عموماً چیک ڈیزائن میں ہوتی ہیں تاہم لنگی مختلف رنگوں اور معیار کے کپڑوں سے بنائی جا سکتی ہے۔
اس کی قیمت کیا ہوتی ہے؟ عموماً محض چند ڈالرز۔
https://ichef-1.bbci.co.uk/news/624/...-586882292.jpg
فیشن برانڈ زارا نے لگ بھگ ایسا ہی ایک لباس متعارف کروایا ہے جس کی برطانیہ میں قیمت تقریباً 69 پاؤنڈ یعنی 98 ڈالر ہے۔
زارا نے اسے ’چیک میں اسکرٹ‘ کا نام دیا ہے جس کے سامنے کی جانب اضافی کپڑا لپٹا ہے۔
یہ پولی ایسٹر اور مصنوعی ریشم سے بنائی گئی ہے اور عام لُنگی کے برعکس اسے صرف ڈرائی کلین ہی کیا جا سکتا ہے۔
زارا کی لُنگی میں پچھلی طرف لگی زِپ اسے پرانی لُنگی سے مختلف تو کرتی ہے لیکن ٹوئٹر پر جاری بحث دیکھیں تو اس بات پر ہمہ گیر اتفاق ہے کہ یہ لُنگی ہی ہے۔
https://screenshotscdn.firefoxuserco...b2cd747ee5.png
https://screenshotscdn.firefoxuserco...769f9f9552.png
https://screenshotscdn.firefoxuserco...fc714f2414.png
سوشل میڈیا پر بحث میں کئی لوگوں نے اس لباس کے زارا کی فہرست میں شامل ہونے پر حیرت کا اظہار کیا۔
کئی لوگوں کو یہ بات باعثِ تفریح لگی کہ ان کے باپ دادا سے منسلک لباس اب خواتین کے فیشن کے طور پر پہچانا جا رہا ہے اور وہ بھی ہوش ربا قیمت میں۔
اور کئی لوگ تو اس بات پر ناراض ہیں کے اس لباس کے لیے لُنگی کا حوالہ نہیں دیا گیا اور نہ ہے اس کے اصل علاقے کا بتایا گیا۔
https://screenshotscdn.firefoxuserco...de7c1f64ea.png
کئی لوگوں نے الزام لگایا کہ پہلے تو بڑے بڑے فیشن برانڈ غریب ایشیائی ممالک سے سستے داموں لباس بنوایا کرتے تھے اور اب وہ یہاں کے ڈیزائن بھی چُرا کر منافع کما رہے ہیں۔
