پھر چلے آئے ہیں ہمدم لے کے ہمدردی کے نام

پھر چلے آئے ہیں ہمدم لے کے ہمدردی کے نام

آہوئے رَم خوردہ کی وحشت بڑھانے کے لیے
میرے دل سے تیری چاہت کو مٹانے کے لیے


چھیڑ کر افسانۂ ناکامیِ اہلِ وفا
تیری مجبوری کے قصے میری بربادی کی بات
اپنی اپنی سرگزشتیں دوسروں کے تجربات

اُن کو کیا معلوم لیکن تیری چاہت کے کرم
میری تنہائی کے دوزخ میری جنت کے بھرم
تیری آنکھوں کا وفا آمیز افسردہ خیال

کاش اتنا سوچ سکتے غم گساروں کے دماغ
یہ تو جب ممکن ہے جب بجھ جائے ہر آنسو ہر چراغ
خود کو اِن میں دفن کر دوں، بھول جاؤں اپنا نام
٭٭٭