زندگی کو بہتر اور خوشگوار بنانے والی 10عام ع&#

زندگی کو بہتر بنانے کی خواہش کس فرد کو نہیں ہوتی تاہم اکثر یہ ایسا خواب ثابت ہوتی ہے جس کی تعبیر انہیں اپنے بس سے باہر لگتی ہے تاہم ایسی کئی چیزیں ہیں جن کو اپنے روزمرہ کا حصہ بناکر ہم زیادہ خوش باش اور اچھی زندگی گزار سکتے ہیں اور سائنس بھی ان کی حمایت کرتی ہے۔

ہوسکتا ہے کہ آپ کو علم نہ ہو مگر آج دنیا بھر میں خوشی کا عالمی دن منایا جارہا ہے، اس موقع پر ان باتوں کو اپنانا زندگی کے مسائل تو ختم نہیں کرسکتی مگر اسے زیادہ خوش باش ضرور بناسکتی ہیں۔
قدرتی مناظر میں نکلنا
https://i.dawn.com/primary/2016/11/5838742937325.jpg
ہوسکتا ہے کہ آپ اس کی اہمیت سمجھ نہ سکے مگر ایک تحقیق کے مطابق فطرت کے مناظر ہمارے اندر موجود تناﺅ کو کم کرکے ہمیں زیادہ تخلیقی سوچ کا حامل فرد بنادیتے ہیں، ان کو دیکھ کر ہماری یاداشت بہتر ہوتی ہے بلکہ وہ ہمیں ایک بہتر فرد بننے میں بھی مدد دیتے ہیں۔
ورزش
http://i.dawn.com/primary/2016/03/56deed4d4f50e.jpg
ہم سب اس کی اہمیت سے واقف ہیں مگر بہت کم افراد ہی اس کو اپنی زندگی کا حصہ بناتے ہیں، طبی فوائد سے ہٹ کر بھی یہ ہماری زندگیوں کے لیے بہت فائدہ مند سرگرمی ہے، مثال کے طور پر ورزش ہمیں اسمارٹ، خوش باش بنانے کے ساتھ نیند کو بہتر کرتے ہے اور ہاورڈ یونیورسٹی کی ایک تحقیق کے مطابق ورزش کے عادی افراد اپنے جسموں سے بہتر آگاہی رکھنے کے باعث اچھی زندگی گزارنے کے قابل ہوجاتے ہیں۔
دوستوں اور رشتے داروں کے ساتھ وقت گزارنا
https://i.dawn.com/primary/2016/11/583873e68a527.jpg
ہاورڈ یونیورسٹی کی ایک تحقیق کے مطابق دوستوں اور خاندان کے ساتھ وقت گزارنا زندگی میں خوشی کے سب سے بڑے ذرائع میں سے ایک ہے، رشتوں کی اہمیت ہمارے تصور سے بھی زیادہ ہوتی ہے سماج سے کٹا ہونے کا احساس آپ کو احمق بنانے کے ساتھ ہلاک بھی کرسکتا ہے، کیونکہ تہنائی امراض قلب، فالج اور ذیابیطس جیسے جان لیوا امراض کا سبب بن سکتی ہے، دوست ہماری زندگی کو بہتر بنانے کی کنجی ہوتے ہیں، ان کے ساتھ اچھی خبروں کا تبادلہ اور جوش تعلقات کو بہتر بناتا ہے۔

شکرگزاری کا احساس
http://i.dawn.com/primary/2015/09/55...pg?r=444122101
شکرگزاری ایسی عادت ہے جو آپ کو خوش باش تو بناتی ہی ہے پیاروں کے ساتھ تعلقات بہتر بناتی ہے، آپ کی شخصیت کو بہتر کرتی ہے اور آپ کے ارگرد ہر شخص کی زندگی میں بہتری لاتی ہے۔
مراقبہ
http://i.dawn.com/primary/2016/05/574da7d03d69f.jpg
مراقبہ زندگی میں خوشی، مقصد، سماجی معاونت اور توجہ کی صلاحیت کو بڑھا دیتی ہے، جبکہ اس سے ہمارے اندر سے غصہ، خوف، مایوسی اور ایسے ہی ذہنی مسائل کم ہوتے ہیں۔
مناسب نیند
http://i.dawn.com/primary/2016/03/56fd4958a0198.jpg
آپ نیند کے معاملے پر اپنے ساتھ دھوکا نہیں کرسکتے کیونکہ تھکاوٹ کا احساس خوش رہنے کو مشکل بنادیتا ہے، آسان الفاظ میں نیند کی کمی کا نتیجہ چڑچڑے پن اور زندگی میں مشکلات کی شکل میں نکلے گا، بہتر نیند سے فیصلہ سازی کی صلاحیت بہتر ہوتی ہے جبکہ اس کی کمی آپ کو غیراخلاقی رویے اپنانے پر مجبرو کرسکتی ہے۔
خود کو چیلنج کرنا
http://i.dawn.com/primary/2015/10/56...g?r=1813903121
کسی دوسری زبان کو سیکھنا آپ کے ذہن کو تیز رکھتا ہے، موسیقی کے اسباق ذہانت بڑھاتے ہیں، اپنے عقائد کے بارے میں چھان بین ذہن کو مضبوط کرتی ہے، غرض خود کو کسی مشکل میں ڈالنے سے آپ کی قوت ارادی میں اضافہ ہوتا ہے اور یہ عادت ذہانت کے مقابلے میں آپ کی کامیابی میں اہم کردار ادا کرتی ہے۔
ہنسنا
http://i.dawn.com/primary/2015/09/55...g?r=1474247729
جو لوگ مزاح استعمال کرتے ہیں ان کے اندر بیماروں کے خلاف قوت مدافعت بھی مضبوط ہوتی ہے جس سے ان میں دل کے دورے اور فالج کا خطرہ کم ہوجاتا ہے، ہنسی ایک وٹامن کی طرح ہے جو آپ کے رشتوں کو بھی مضبوط بناتی ہے۔
کسی کو چھونا
http://i.dawn.com/primary/2015/06/55...g?r=1262331751
کسی پیارے کو چھونے سے تناﺅ کم ہوتا ہے، ذاتی کارکردگی بڑھتی ہے اور یہ آپ کو متحرک کرنے میں مددگار ثابت ہوسکتی ہے، کسی سے گلے ملنا آپ کو خوش باش فرد بناسکتا ہے۔
پرامید رہنا
http://i.dawn.com/primary/2016/02/56c4c4b4ef1f6.jpg
امید آپ کو صحت، خوشی اور زندگی کی مدت جیسی نعمتیں عطا کرسکتی ہے، مشکلات کے دور میں مثبت سوچ کو اپنائے رکھنا کامیابی کا باعث بنتا ہے حد تو یہ کہ یہ عادت حد سے خوداعتماد افراد کی کارکردگی کو بھی بڑھا دیتی ہے۔

اہم اور مفید معلومات شیئر کرنے کا شکریہ