اب کے یہ کیا حشر اٹھا ہے شہروں میں

اب کے یہ کیا حشر اٹھا ہے شہروں میں
سورج نیزوں پر اُترا ہے شہروں میں
ہر سُو فکرِ معاش میں اِک بِھنّاہٹ سی
جُز اِس کے کیا اور دھرا ہے شہروں میں
جانے کب جسموں میں دانت اُتر جائیں
جنگل ہی سا، اب کھٹکا ہے شہروں میں
کھو کر گاؤں میں اخلاص نگینوں سا
تو کیا ماجد ڈھونڈ رہا ہے شہروں میں
٭٭٭


ماجد صدیقی

Nice post

پسند اور رائے کا بہت بہت شکریہ

Umda Intekhab

رائے کا شکریہ