کچنار ۔۔۔موسم بہار کی ذائقہ دار فائدوں سے 

کچنار ۔۔۔موسم بہار کی ذائقہ دار فائدوں سے بھرپور سبزی

http://dunya.com.pk/news/special_fea...3Q77mE_sHi.jpg

ڈاکٹر محمد رشید
کچنار موسم بہار کی عمدہ سبزی ہے ۔ دراصل یہ کچنار کے درخت کی کلیاں ہیں ۔ اس کی پھلیوں کا اچار بھی ڈالا جاتا ہے ۔ اس کا سالن بہت ذائقہ دار ہوتا ہے ۔بغیر پھول کھلے کچنار بطور سبزی پکائی جاتی ہے ۔ یہ سبزی بہت تھوڑے وقت کے لئے دستیاب ہوتی ہے۔ اس کے اجزا ء میں نمکیات اور وٹامن سی ہوتے ہیں ۔ اس کا مزاج سرد خشک ہوتا ہے ۔ اس لئے اس کو پکاتے وقت گھی کا زیادہ استعمال کرنا چاہیے۔ کچنارکے حسب ذیل فوائدہیں ۔ ٭بواسیر کو ختم کرتی ہے ۔ خشک کلیوں کو سفوف میں ہم وزن مصری ملا کر مکھن کے ساتھ ایک ماشہ روزانہ چاٹنے سے خونی بواسیر ایک ہفتہ میں بالکل ٹھیک ہوجاتی ہے ۔ ٭معدہ کو طاقت دیتی ہے اور خون کو صاف کرتی ہے ۔ خون کو صاف کرنے کے لئے کچنار کی چھال پانچ تولہ ایک پائو پانی میں جوش دے کر چھان کر تین تولہ شہد ملا کر پینا چاہیے۔ اس کا استعمال ایک ہفتہ تک کیا جائے۔ ٭انتڑیوں کے کیڑوں کو مارنے کے لئے کچنار کا جوشاندہ بنا کر پیا جاتا ہے ۔ ٭پیٹ کے کیڑے بھی کچنار کھانے سے ہلاک ہوکر جسم سے خارج ہوجاتے ہیں ۔ ٭کچنار کے پھولوں کا پلٹس بنا کر پھوڑے پر باندھنے سے پھوڑا جلدی پک جاتا ہے اور تمام گندا مواد خارج ہوجاتا ہے۔ ٭سنگرہنی کے مریضوں کو کچنار بے حد فائدہ دیتی ہے ۔ ٭بلڈ پریشر میں یہ بہترین سبزی ہے ۔ امراض نسواں میں بہترین دوا ہے ۔ ٭یہ کھانسی اور اسہال میں اکسیر کا درجہ رکھتی ہے۔ ٭جن بچوں کے کانج نکل آتی ہو انہیں کچنار کھلانے سے فوری فائدہ ہوتا ہے ۔ ٭پیشاب کے امراض میں بھی کچنار بہت فائدہ دیتی ہے نیز یہ تبخیر دور کرنے میں بھی اکسیر ہے۔ ٭اس کی چھال کے رس میں کافور یا زیرہ ملاکر استعمال کرنے سے جگر کی گرمی رفع ہوتی ہے۔ احتیاط: کچنار دیر ہضم بھی ہے ، پیٹ میں اپھارہ پیدا کرتی ہے ۔ قابض ہے اسے ادرک اور گرم مصالحے کے بغیر ہرگز استعمال نہیں کرنا چاہیے۔ ٭…٭…٭

Meri fav dish habib bhai. Shukria sharing ka.

Buhat he zabardast

پسند اور رائے کا شکریہ