کلام: حافظ شیرازی

کلام: حافظ شیرازی
اردو ترجمہ: مقصود حسنی

بحر عشق کا کوئی کنارہ نہیں ہوتا
سوا جان دینے کے چارہ نہیں ہوتا

کوچہء عشق میں گزرا جو پل‘ اچھا تھا
کارِ خیر میں حاجتِ و اِستخارہ نہیں ہوتا

بنا کر عقل کو مفتی نہ ڈرا ہم کو شراب لا
کوئے عشق میں عقل کا کارہ نہیں ہوتا

اپنی آنکھوں سے پوچھ کون کرے ہے قتل
جان من گناہِ طالع و جرمِ ستارہ نہیں ہوتا

دھلی نظروں سے اس رخ ہلالی کو دیکھ
ہر آنکھ سے ماہ پارہ کا نظارہ نہیں ہوتا

غنیمت جان طور رندی کو کہ یہ نِشاں
راہِ گنج ہے ہمہ کس آشکارہ نہیں ہوتا

گِریہء حافظ ترے حضور رائیگاں ٹھہرا
یار‘ اتنا تو سخت دل سنگِ خارہ نہیں ہوتا