غنچۂ ناشگفتہ کو دور سے مت دکھا، کہ یُوں

غنچۂ ناشگفتہ کو دور سے مت دکھا، کہ یُوں
بوسے کو پُوچھتا ہوں مَیں، منہ سےمجھے بتا کہ یُوں
پُرسشِ طرزِ دلبری کیجئے کیا؟ کہ بن کہے
اُس کے ہر اک اشارے سے نکلے ہے یہ ادا کہ یُوں
رات کے وقت مَے پیے ساتھ رقیب کو لیے
آئے وہ یاں خدا کرے، پر نہ خدا کرے کہ یُوں
’غیر سے رات کیا بنی‘ یہ جو کہا تو دیکھیے
سامنے آن بیٹھنا، اور یہ دیکھنا کہ یُوں
بزم میں اُس کے روبرو کیوں نہ خموش بیٹھیے
اُس کی تو خامُشی میں بھی ہے یہی مدّعا کہ یُوں
میں نے کہا کہ “ بزمِ ناز چاہیے غیر سے تہی“
سُن کر ستم ظریف نے مجھ کو اُٹھا دیا کہ یُوں ؟
مجھ سے کہا جو یار نے ’جاتے ہیں ہوش کس طرح‘
دیکھ کے میری بیخودی، چلنے لگی ہوا کہ یُوں
کب مجھے کوئے یار میں رہنے کی وضع یاد تھی
آئینہ دار بن گئی حیرتِ نقشِ پا کہ یُوں
گر ترے دل میں ہو خیال، وصل میں شوق کا زوال
موجِ محیطِ آب میں مارے ہے دست و پا کہ یُوں
جو یہ کہے کہ ریختہ کیوں کر* ہو رشکِ فارسی
گفتۂ غالبؔ ایک بار پڑھ کے اُسے سُنا کہ یُوں

۔۔۔۔۔۔۔۔۔۔۔۔۔۔۔۔۔۔۔۔۔۔
* نسخۂ مہر میں ‘کہ’


Ghunchai na shaguftah ko door se mat dikha ke "yon"
Bosey ko poochta hon munh mein bata ki "yon"
"Pur sish terse dilbari kijeye kaya kih bin kahe
Uske her ek ishare se nikle hai ye ada kih "yon"
Raat ke waqt mai piye, sath raqeeb ko liye
Ai woh yan khuda kare, per nah kere khuda kih yon
Ghair se raat kaya bani? Yeh jo kaha, to daikhe
Samne aan baithna, aur yeh daikhna kih yon
Bazam mein uske robaro kiyon na kamosh baithe
Uski bhi khamushi mein hai yahi muddua kih yon
Main ne kaha kih "bazam naaz chahiye ghair se, tahi"
Sun ke, sitam zareef ne mujh ko utha diya kih "yon?"
Mujh se kaha jo yaar ne, "jatein hain hosh kis tarah?"
Daikh meri baikhudi chalne lagi hawa ki "yon"
Kab mujhe kowe yaar min rahne ki waza yaad thi
Aiena daar bun gayee hairate naqshe pa kih yon
Ger tere dil mein ho khayaal, wasl mein shauq ka zwaal
Mauj, muheet aab mein mare hai dast-o- pa ki "yon"
Jo ye kahe kih raikhtah kiyon ke ho rashke farsi?"
Guftai ghalib eik bar pad ke us ko suna ki "yon"

nice sharing janab mazid achi achi sharing ka intzar rahe ga

Thanks

Bohot aalaa bohot fit poetry

Quote:

---

Originally Posted by Dilkash

Bohot aalaa bohot fit poetry

---

شکریہ۔۔۔۔۔۔۔۔