درد مِنّت کشِ دوا نہ ہوا
میں نہ اچھا ہوا، برا نہ ہوا
جمع کرتے ہو کیوں رقیبوں کو
اک تماشا ہوا، گلا نہ ہوا
ہم کہاں قسمت آزمانے جائیں
تو ہی جب خنجر آزما نہ ہوا
کتنے شیریں ہیں تیرے لب ،”کہ رقیب
گالیاں کھا کے بے مزا نہ ہوا”
ہے خبر گرم ان کے آنے کی
آج ہی گھر میں بوریا نہ ہوا
کیا وہ نمرود کی خدائی تھی؟
بندگی میں مرا بھلا نہ ہوا
جان دی، دی ہوئی اسی کی تھی
حق تو یوں* ہے کہ حق ادا نہ ہوا
زخم گر دب گیا، لہو نہ تھما
کام گر رک گیا، روا نہ ہوا
رہزنی ہے کہ دل ستانی ہے؟
لے کے دل، “دلستاں” روانہ ہوا
کچھ تو پڑھئے کہ لوگ کہتے ہیں
آج غالبؔ غزل سرا نہ ہوا!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔
* نسخۂ مہر، نسخۂ علامہ آسی میں ‘یوں’ کے بجا ئے “یہ” آیا ہے
Derde minnat kashe dawa na hua
Main na achcha hua bura na hua
Jama kerte ho kiyon raqeebon ko
Ek tamasha hua, gila na hua
Hum kahan kismat azmane jaein
To hi jab khanjar azma na hua
Kitne shiren hain tere lab ke raqeeb
Galiyan kha ke be maza na hua
Hai khabar geem un ke ane ki
Aaj hi ghar mein boriya na hua
Kaya woh namrood ki khudaie thi?
Bandagi mein mera bhala na hua
Jaan di, di huie usi ki thi
Haq to yon hai ki haq ada na hua
Zakhm gar dab gaya, laho na thama
Kaam gar ruk gaya, rawa na hua
Rahzani hai ki dil satani hai?
Le ke dil dil sitan rawa na hua
Kuch to padiye ki log kahte hain
"Aaj Ghalib gazak sara na hua"
