saaye ke liye hai na Thikaane ke liye hai
diivaar to aangan meN uThaane ke liye hai
dekho to har ik shaKhs ke haathoN meN haiN patthar
puuchho to kahiiN shahr banaane ke liye hai ?
rakh dete haiN patthar mirii tahriir ke uupar
kahte haiN ye kaaGhaz ko dabaane ke liye hai
dar dil kaa "Suhail" aaj zaraa band na karnaa
ik shaKhs abhii lauT ke aane ke liye hai
Suhail Ahmed Zaidi
