koshish ke baavajood ye ilzaam rah gaya
har kaam meN hamesha, ko_ii kaam rah gaya
chhoTi thii umr aur fasaana taveel thaa
aaGhaaz hii likha gayaa anjaam rah gaya
uTh-uTh ke masjidoN se namaaji chale gaye
dahashat_garoN ke haath meN islaam rah gaya
uska qusoor ye thaa, bahut sochta tha vo
vo kaamyaab ho ke bhii naakaam rah gaya
ab kya bataayeN kaun thaa kyaa thaa vo ek shaKhs
gintii ke chaar harfoN ka jo naam rah gaya
"Nida' Fazli
