arah-tarah kii museebat aur ek jaaN ke liye

arah-tarah kii museebat aur ek jaaN ke liye
kahaaN pe bhej diya toone imtahaaN ke liye

har ek raasta masdood hai baGhair-e-junooN
Khirad hai koh-e-garaaN azm-e-naujavaaN ke liye

ajeeb cheez hai qismat kii naa_rasaai bhii
qadam liye bhii to kambaKht paasbaaN ke liye

vo saath chhoRh ke baiTheN, jo saath chal na sakeN
balaa-e-jaaN na baneN poore kaarvaaN ke liye

hamaare naam se surKhii-e-daastaaN na sahii
hamaara Khoon to haazir hai daastaaN ke liye

quyood-e-ishq kii majbooriyaaN ! are taubaa
zabaan rakh ke bhii tarsaa kiye zabaaN ke liye

Khataa muaaf ijaazat mile to kuchh poochhooN
akele raat meN nikle ho kahaaN ke liye

mirii nahiiN mire sajdaoN kii aabaroo rakh le
ki mera sar nahiiN auroN ke aastaaN ke liye

"Nazeer" faasla-e-umr ab tamaam huaa
vahaaN kii fikr karo aaye ho jahaaN ke liye

''Nazeer" Banarasi