خوشی دوستوں کے حلقے میں وبائی مرض کی طرح پھ

خوشی دوستوں کے حلقے میں وبائی مرض کی طرح پھیلتی ہے

http://dunya.com.pk/news/special_fea...nqfYlU5GSe.jpg

نصرت شبنم
والدین اکثر اپنے بچوں پر برے دوستوں کے اثر و رسوخ کے حوالے سے ہوشیار رہتے ہیں خاص طور پر نو عمر نوجوانوں کے بدلتے موڈ کے بارے میں والدین کے لیے اندازہ لگانا مشکل ہوتا ہے، لیکن سائنس دانوں نے افسردہ نوجوانوں کے موڈ کو بہتر بنانے کا آسان حل ڈھونڈ نکالا ہے۔جن کا کہنا ہے کہ ایک نوجوان کے دوستوں کا حلقہ جتنا زیادہ بڑا ہو گا اس میں افسردگی کا امکان اتنا ہی کم ہو گا، بلکہ زیادہ دوستوں کے درمیان رہنے سے نوجوانوں کا موڈ زیادہ بہتر ہو سکتا ہے۔نئی تحقیق سے ظاہر ہوا کہ افسردگی دوستوں کے درمیان متعدی نہیں ہے لیکن خوشی دوستوں کے حلقے میں وبائی مرض کی طرح پھیلتی ہے۔ نوجوانوں کے ایک دوسرے پر اثر و رسوخ کے حوالے سے کیے جانے والے ایک مطالعے میں ماہرین تعلیم نے ایک ریاضیاتی ماڈل کا استعمال کیا ہے جس کے نتیجے میں ماہرین کو پتا چلا کہ نو عمر نوجوان ایک دوسرے کو مثبت انداز میں متاثرکرسکتے ہیں۔ماہرین نے نوجوانوں کے موڈ کو بہتر بنانے کے لیے تجاویز پیش کیں اور خاص طور پر نوجوانوں کے درمیان دوستی کے نیٹ ورک کی حوصلہ افزائی کی ہے،ماہرین کے مطابق نوجوانوں میںڈیپریشن کے واقعات اورڈیپریشن کے پھیلاؤ کو کم کیا جاسکتا ہے۔ محققین نے نو عمری سے بالغ صحت پر موڈ کے اثرات کے نام سے ایک مطالعہ میں اسکینڈری اسکولوں کے دوہزار سے زائد طالب علموں کے اعداد و شمار کا تجزیہ کیا، جبکہ شرکاء کو زندگی بھر وقفے وقفے سے دیکھا گیا۔ تحقیق میں ماہرین نے ایک ایسے ریاضیاتی ماڈل کا استعمال کیا جو وبائی امراض کو ٹریک کرنے کے لیے استعمال کیا جاتا ہے تاکہ نوجوانوں کے درمیان موڈ کے پھیلاؤ کا جائزہ لیا جاسکے۔نتائج سے پتا چلا کہ دوستوں کے حلقے میں افسردگی میں مبتلا کسی دوست کی صحبت سے دوسرے دوستوں کی ذہنی صحت متاثر نہیں ہوتی ہے بلکہ دوستوں کا ہونا نوجوانوں میںڈیپریشن سے نمٹنے میں مدد کر سکتا ہے۔محققین نے لکھا کہ ڈیپریشن دوستوں کے ذریعے نہیں پھیل سکتا ہے بلکہ صحت مند موڈ اور خوشی دوستوں کے درمیان پھیلتی ہے جس سے دوستوں کے حلقے میںڈیپریشن کی ترقی کے امکانات نصف ہو سکتے ہیں۔محققین نے ماڈل کی بنیاد پر جمع ہونے والے اعداد و شمار کی مدد سے ظاہر کیا کہ 5ذہنی صحت مند دوستوں کی صحبت میںڈیپریشن کی ترقی کے امکانات نصف ہو جاتے ہیں اسی طرح 10ذہنی طور پر صحت مند دوستوں کے ساتھ ڈیپریشن سے بحالی کے امکانات دوگنے ہو سکتے ہیں۔

Nice Sharing
Thanks For Sharing

Quote:

---

Originally Posted by UmerAmer

Nice Sharing
Thanks For Sharing

---

Thanks 4 comments