Main Aj Ki Baat Nahi Kar Rahi.Na Hi Mohabbat Kaise Hoti Hai Ya Kion Hoti Hai Ya Kis Se Hoti Hai Ki Baat Kar Rahi Hoon.Balke Main Yahan Aik Jazbe Ki Baat Kar Rahi Hoon..Aik Ehsaas Ki Bat Kar Rahi Hoon..Jo Insane Ko Mohabbat Main Ho Jata Hai.
Aaj Kal Ki Ziada Tar Mohabbat Toh Lust Full Hai, Main Aisi Mohabbat Ko Mohabbat Nahi Kehti.Main Mohabbat Ko Hasil Karne Ki Justuju Barh Jane Aur Hasil Kar Lene Ke Liye Kuch Bhi Kar Guzarne Ko Bhi Mohabbat Nahi Kehti..Is Ko Sirf Jazbaati Faisla Keh Sakti Hoon..
Mere Khayal Se Jo Insane Sachi Mohabbat Karta Hai..Wo Zahiri Talluq , Jismani Talluq, Aur Paa Lene Ki Justuju Se Bilkul Beniyaaz Ho Jata Hai.Aise Insan Ka Dil Sirf Khushi Se Labraiz Ho Jata Hai.
Mohabbat Aik Aisa Jazba Hai Jo Insane Ko Us Hi Zindagi Main Bilkul Alag Sochne Pe Majboor Kar Deta Hai.Insan Ko Wo Hi Dunia., Wo Hi Waqt, Wo Hi Loug , Wo Hi Batain Jo Us Ke Sath Sari Zindagi Se Chalti Aa Rahi Hoti Hai ,Sab Bohot Achi Lagne Lagti Hai, Insane Baat Baat Pe Be Baat Khush Hota Hai, Insan Dunya Dari Aur Dunyavi Talluq Se Beniyaz Ho Kar Sirf Apne Mehboob Ki Soch Main Gumm Rehta Hai.Uski Batoun.Uske Khayalaat, Uski Khuahishaat Aur Us Se Sirf Baat Kar Lene Ki Justuju Ka Qaail Ho Jata Hai.
Main Aisi Mohabbat Ki Qaail Hoon.Jis Main Mohabbat Aik Ehsaas Ban Ke Dil Ko Masroor Kar De.Jo Aik Goonjti Awaz Ki Tarha Sirf Aage Barhti Chali Jaye Aik Namaloom Manzil Ki Taraf. Jo Ruke Nahi Sirf Barhti Jaye,Aur Koi Rukawat Raaste Main Aaye Toh Ye Us Rukawat Se Takra Ke Wapas Aa Jaye, Magar Bikhre Nahi.Balke Aik Goonj Ban Jaye.
Aik Aisa Jazba Aik Aisa Ehsaas Jo Insan Ko Baithe Baithe Khush Rakhe.Chalte Phirte Masroor Rakhe.Kisi Ko Paa Lene Se Ye Jazba Ye Ehsaas Qaaim Nahi Reh Sakta..Aur Ishq Ain Ibadat Hai.Ibadat Main Kahan Koi Aur Talluq Hota Hai.Sirf Rooh Ka Talluq Hota Hai.Mere Khayal Se Wo Insane Bohot Kamyab Ho Gaya Jo Is State Of Mind Main Daakhil Ho Gaya Ke Koi Mujhe Chahne Laga Hai.Aur Main Bhi Usko Chahne Laga Hoon..Aur Ye Ehsaaas Shiddat Ban Ke Uske Dil-O-Dimaagh Main Ghar Karta Jaye.Dinn Dugni Aur Raat Chogni Mohabbat Barhe.Apne Kareeb Har Insan Ko Khush Rakhne Ko Jee Chahe.Har Baat Pe Muskurane Ko Jee Chahe..Bas Dil Main Sakoon Ho Ke Koi Mera Hai.Jo Sirf Mere Liye Sochta Hai, Sirf Mera Khayal Usko Masroof Rakhe Hue Hai, Aur Main Khud Sirf Uske Hi Khayal Se Har Waqt Mukkamal Hoon.Aur Koi Aur Baat Ab Mere Mukkammal Hone Ke Liye Zaroori Nahi Toh Ye Hai Sacha Ishq..Insan Ko Na Apne Ghar Waloun Se Na Dunia Waloun Se Baghawat Ki Khuahish Ho.Balke Sirf Ye Sakoon Ho Ke Mujhe Aisa Insan Mill Gaya Hai Jo Sirf Mera Hai..Aur Ye Rishta Sirf Rooh Se Rooh Ka Ho..Sari Zindagi Talluq Bhi Na Rahe..Sari Zindagi Mulaqat Bhi Na Ho.Par Dil Masroor Rahe .Ke Main Us Insan Ki Chahat Se Mukammal Ho Gaya.Bas Ye Hai Ain Ishq..
