جے یو پی نورانی ، سنی تحریک نے پی ٹی آئی کی ح

http://img.dunyanews.tv/news/2015/Ap...5_91649272.jpg

کراچی (دنیا نیوز) این اے 246 کا ضمنی الیکشن میں جے یو پی نورانی اور سنی تحریک نے پی ٹی آئی کی حمایت کا اعلان کر دیا ، پی ٹی آئی کے امیدوار عمران اسماعیل کا کہنا ہے کہ اب کنور نوید جمیل کے پاس کہنے کو کچھ نہیں تو جھوٹ بولنے لگے ہیں۔

پاکستان تحریک انصاف کے امیدوار عمران اسماعیل نے جمعیت علماء پاکستان کے رہنما مولانا اویس نورانی سے ملاقات کی ۔ اویس نورانی نے ضمنی الیکشن میں عمران اسماعیل کی حمایت کا اعلان کر دیا ۔ اویس نورانی کا کہنا تھا انہوں نے پی ٹی آئی کی حمایت شہر کے امن کے لئے کی ہے ۔ پی ٹی آئی کے امیدوار عمران اسماعیل نے اویس نورانی کا شکریہ ادا کرتے ہوئے کہا کہ جی یو پی نورانی سے اتحاد مستقبل میں جاری رہے گا ۔ عمران اسماعیل نے سنی تحریک کے رہنماء شاہد غوری سے ملاقات کی جس کے بعد سنی تحریک نے بھی پی ٹی آئی کی حمایت کا اعلان کر دیا ۔ پاکستان تحریک انصاف حلقہ این اے 246 میں اتحادیوں کی تلاش میں ہے ، جے یو پی نورانی اور سنی تحریک سے قبل مجلس وحدت مسلمین بھی پی ٹی آئی کی حمایت کا اعلان کر چکی ہے -