میگا ارتھ:سیاروں کی ایک نئی قسم

میگا ارتھ:سیاروں کی ایک نئی قسم

http://dunya.com.pk/news/special_fea...ymvybsVdoY.jpg
امریکی خلائی سائنس دانوں نے سیاروں کی ایک نئی قسم دریافت کی ہے، جسے ماہرینِ فلکیات نے ’میگا ارتھ‘ کا نام دیا ہے۔ ان میں سے ایک کیپلر 10 سی نامی سیارہ حجم میں زمین سے دو گنا ہے اور اس سے تقریباً 560 نوری سال دُور ہے۔ ماہرین کے مطابق میگا ارتھ ان سیاروں کو کہا جاتا ہے، جن کی سطح ہماری زمین کی طرح ٹھوس Megaearthہوتی ہے۔ تاہم ان کا حجم زمین سے کئی گنا زیادہ ہوتا ہے۔ سیاروں کی اس نئی درجہ بندی کی ضرورت اس وقت محسوس کی گئی ہے ،جب زمین کی طرح کا ہی ایک اور سیارہ دریافت کیا گیا ہے، جس کا حجم زمین کے مقابلے میں 17 گنا زیادہ ہے۔ کیپلر 10 سی نامی یہ سیارہ ایک ایسے سورج کے مدار میں گردش کر رہا ہے، جو ہم سے تقریباً 560 نوری سال دور ہے۔ سائنس دانوں نے شہر بوسٹن میں امریکی خلائی سوسائٹی کے اجلاس میں اس سیارے کی تفصیلات بتائیں۔ تاہم انھوں نے اعتراف کیا ہے کہ اس سیارے کے بارے میں بہت سے معاملات ان کی سمجھ میں نہیں آ رہے۔ بہت سے سائنس دانوں کا آج تک یہی خیال رہا ہے کہ اتنے بڑے حجم کے سیارے اپنی کشش ثقل کی وجہ سے اتنی ہائیڈروجن گیس جمع کر لیں گے کہ وہ ہمارے نظامِ شمسی کے سیاروں نیپچون یا مشتری جیسے ہو جائیں گے۔ ہارورڈ سمتھسونیئن سنٹر فار ایسٹرو فزکس کے پروفیسر دمیتر ساسیلوف نے میڈیا سے بات کرتے ہوئے کہا کہ اس سیارے کے لیے ’گاڈزیلا آف ارتھس‘ کی اصطلاح بھی استعمال کی گئی ہے۔ کیپلر 10 سی نام سے معلوم ہوتا ہے کہ اس سیارے کی دریافت امریکی خلائی ایجنسی کی کیپلر خلائی دور بین کے ذریعے کی گئی ہو گی۔ یہ دور بین مختلف ستاروں کی روشنی میں معمولی سی کمی کی مدد سے ان کے سامنے سے گزرنے والے سیاروں کو دیکھنے کی کوشش کرتی ہے۔ اس طریقے سے نئے دریافت کیے گئے اس سیارے کا قطر 29000 کلو میٹر معلوم ہوا ہے جو کہ زمین کی چوڑائی سے دگنا سے بھی زیادہ ہے۔ تاہم اس کی کمیت کا پتہ نہیں چلا۔ قطر اور کمیت کو ملا کر معلوم یہ ہوا ہے کہ کیپلر 10 سی گیس کا نہیں بلکہ انتہائی ٹھوس مواد کا بنا ہوا ہے۔ )انٹرنیٹ سے ماخوذ( ٭…٭…٭