ایپل سے متعلق ایک اور انکشاف سامنے آگیا

نیویارک: ایپل کمپنی سے متعلق ایک نیا انکشاف سامنے آگیا ہے، ایپل کمپنی نے حال ہی میں آئی فون6 کے ساتھ رقم کی ادائیگی کی سروس متعارف کروائی مگر اس کے سامنے آتے ہی اس کی خامیوں نے دھوم مچا دی ہے۔ تازہ انکشافات کے مطابق ایپل پے کے زریعے ادائیگی کرنے والے متعدد لوگوں کی رقم دو دفعہ کاٹ لی گئی ہے۔


ایپل پے کے ذریعے آئی فون موبائل کو استعمال کرتے ہوئے کسی بھی چیز کی خریداری کے بدلے رقم ادا کی جاسکتی ہے، اس سروس میں امریکن ایکسپریس ماسٹر کارڈ اور ویزا کارڈ کی معلومات ذخیرہ ہو سکتی ہیں اور پھر فون پر فنگر پرنٹ سروس استعمال کرتے ہوئے لمحوں میں ادائیگی کی جاسکتی ہے۔


امریکی رپورٹر کے ساتھ بھی یہی واقعہ پیش آیا تو انہوں نے بینک آف امریکہ اور ایپل سے رابطہ کیا، جس پر یہ مسئلہ موضوع بن گیا، ایپل کا کہنا ہے کہ یہ مسئلہ صرف بینک آف امریکہ کے صارفین کو پیش آرہا ہے جبکہ بینک کا کہنا ہے کہ یہ ایپل کا مسئلہ ہے۔

بہت اچھی اور لاجواب شیئرنگ کا شکریہ