http://dunya.com.pk/news/special_fea...Z78_CAIEC8.jpg
زرتاشیہ میر
مختلف حالات میں مختلف عوامل کا رفرما ہوتے ہیں۔ ایک دفعہ آپ کو علم ہوجائے کہ آپ کو غصہ کیوںآتا ہے، تو اس کو دور کرنے کیلئے بہت سے طریقے استعمال کیے جاسکتے ہیں۔ بعض دفعہ ایسا بھی ہوتا ہے کہ آپ دوسرے انسان کے رجحان کونہ سمجھ سکیںاور جو الفاظ اس نے استعمال کیے ہیں، اس کا اصل مطلب کیا ہے، کسی شخص کے متعلق آپ Basic Opinionنہ بنائیں جب تک کہ آپ اُس کی تہہ تک نہ پہنچ جائیں۔ غصہ انسانی جسم کے اندر (Physiological) تبدیلیاں لاتا ہے، جو ہماری صحت کیلئے نقصان دہ ہوتی ہیں۔ بعض لوگوں کو اپنے آپ پہ غصہ آتا رہتا ہے۔ وہ ہر ایک سے نفرت کارجحان رکھتے ہیں۔ ایسے لوگ منفی سوچ کو اپنائے ہوئے ہوتے ہیں۔ایسے لوگ اپنے ہی دبائو میںہوتے ہیں۔ جس سے ان میں Frustraliaاور Depression پیدا ہو جاتاہے۔ زندگی کی نشیب وفراز اور دھوکا دینے والے لوگوں سے واسطہ پڑنے کی صورت میںاُن کی شخصیت میں تبدیلی آجاتی ہے۔ ایسے لوگوں کو کسی سے بھی تعلقات پیدا کرنے میں کافی ذہنی کوفت کا سامنا کرنا پڑتاہے۔ اس میں کوئی شک نہیں کہ جہاں تک احساسات کا دوسرے شخص سے تعلق ہے، وہ ہر ایک کے مختلف ہوتے ہیں۔ جہاںتک ٹھنڈے دل ودماغ کے شخص کا تعلق ہے، وہ ہمیشہ فائدہ میں رہتے ہیں جبکہ گرم مزاج اور جلد غصہ میں آجانے والے افراد اچھے دوست کو بھی جلد کھو دیتے ہیں اور لوگ اُن کے نزدیک آنے سے گریز کرتے ہیں۔ اگر غصہ کا تدارک نہ کیا جائے تو یہ بڑھتا چلا جاتا ہے۔ ہر ایک شخص کیلئے بڑا ضروری ہے کہ وہ کسی طرح اپنے مزاج کو اعتدال میں رکھے۔بعض اوقات ماحول اور حالات بھی انسان کو غصہ لانے کی کیفیت میں مبتلا کردیتے ہیں۔ کچھ لوگوں میں یہ کیفیت موروثی ہوتی ہے، جن لوگوں کا مزاج گھڑی میں تولہ اور گھڑی میں ماشہ ہو جاتا ہے، اصطلاحاًانھیں دوقطبی(Bipolar)مزاج کے لوگ کہتے ہیں۔کبھی یہ انتہائی مایوس نظر آتے ہیں، تو کبھی بے حد جنونی نظر آتے ہیں۔ کبھی مسرت کا ایسا عالم ہوتاہے کہ سب کچھ لٹانے پر نظر آتے ہیں۔ایک بات اچھی طرح ذہن نشین کر لیجیے کہ ہم دنیا کو تو نہیں بدل سکتے، لیکن ہم اپنے آپ کو بدل سکتے ہیں ۔اس کیلئے ہم کو صبر وتحمل اور غصہ پر قابو پانے کی عادت ڈالی ہوگی کیونکہ جس انسان میں یہ خصوصیت ہوتی ہے، اُس میں خود اعتمادی پائی جاتی ہے،لیکن مشکل یہ ہے کہ آج کا انسان اس چیز کاسہارا لینے سے کتراتا ہے۔ یاد رکھیں کہ اپنی ناکامیوں اور خامیوں سے دل برداشتہ ہونے کی بجائے ہمیشہ ان پر قابو پانے کی کوشش کرنی چاہیے، یعنی گرنے کے بعد ایک نئے عزم کیساتھ اُٹھ کھڑے ہوں۔اگر آپ کے ذہن پر اس وقت نفرت اور غصہ کے گہرے سائے چھائے رہیں تو مسرت کی روشنی اُن سے چھن کر آپ تک نہیں پہنچ سکتی ۔ اس لیے ضروری ہے کہ آپ برائیوں اورغلطیوں سے دور رہیں،اُن سے بچنے کی کوشش کریں اور آگے قدم بڑھاتے رہیں،اس لیے آگے دیکھے اور آگے بڑھیے کیونکہ ہروقت اپنے ماضی کو دیکھنا عقلمندوں کا شیوہ نہیں۔ باہمت لوگ حالات کو سازگار بناتے ہیں اور تقدیر کے رُخ کو بھی پھیردیتے ہیں اور حقیقت یہ ہے کہ خدا اور خلق دونوں کے نزدیک ہی ہمت والے انسان کی قدر وقیمت ہے۔غصہ کی حالات میں آپ کوئی کام درست نہیں کرسکتے کیونکہ غصہ برائیوںکا مجموعہ ہے۔ اللہ پر توکل کرکے پچھلے واقعات کو بھلا کر آئندہ زندگی کے لیے پرُعزم ہو کر تیاری کیجئے۔یقین جانیے! اگر ہم اپنے جذبات کو کنٹرول کرنے کے قابل ہوجائیں،تو ہم ایک کامیاب زندگی بسر کرسکتے ہیں۔ماضی کو بھول جائیں کیونکہ ہم ماضی کو بدل نہیں سکتے ، لہٰذا اپنے آپ کو بدل لیں۔ پُر سکون رہنے کے طریقے سیکھیں۔ اس سے انسان اپنے مستقبل کو بہتر بنا سکتا ہے۔ بعض اوقات انسان غصے میں سامنے والے شخص کو کچھ ایسے الفاظ کہہ دیتا ہے کہ ان الفاظ کی وجہ سے اُس شخص کی زندگی بدل کے رہ جاتی ہے۔بقول خلیل جبران’’جب تمہارا دل آتش فشا ںہے تو تم کو یہ توقع کیوں ہے کہ تمھارے ہاتھوں سے پھول کھلیں۔‘‘ کہتے ہیں کہ غصہ ہمیشہ تنہا آتا ہے، لیکن جاتے ہوئے اپنے ساتھ عقل، اخلاق، اور شخصیت کی خوبصورتی لے جاتا ہے۔بچے کو غصے میں ہلکا سا زور سے تھپڑ لگا دیں تو رو پڑے گا، مگر مذاق میں مارے ہوئے زور کے تھپڑ سے بھی ہنستا رہے گا۔ نفسیاتی دردجسمانی درد سے زیادہ تکلیف دہ ہوتاہے۔ ضرورت اس امر کی ہے۔ اگرآپ چاہتے ہیں کہ آپ خوشی اور مسرت سے زندگی کا لطف اُٹھائیں تو لوگوں کیساتھ بھلائی کیجئے۔ یہ اصول ہے کہ مسکراہٹ کے بدلے مسکراہٹ ہی ملتی ہے،بس اس اصول کو اپنا لیں اور زندگی پرُ سکون بنائیں،لہٰذااپنے اندر تبدیلیاں لائیں۔ غصہ کی کیفیت کو اپنے اوپر طاری مت کریں، یہ وہ جذبہ ہے، جس سے آپ سے سب دُور اور تنہا ہو جائیں گئے۔غصہ کو مات دیجئے کیونکہ اسلام میں بھی غصہ کو حرام قرار دیا گیا ہے۔ظاہر ہے کہ جو چیز حرام ہے، وہ فائدہ کس طرح دے سکتی ہے۔ ٭…٭…٭
