کھوٹ

کھوٹ

جیٹھ دیاں تپدیاں لوآں نال
کاہتوں ساڑدے آکھ گلاں تتیاں
پایا وراگ دنیاں توں جوگی بنکے
پوا دیو کنی چاہے نتیاں

چانن نال پہلاں ہی ویر کمایا
نھیرے نال عشقَ دا سلسلہ چلایا
مسیا دی گھپّ کالی رات نوں
رشناؤ کیوں جگاکے مومبتیاں

بجھی وتی دوآلے پروانے گھمدے نہیں
کوہڑی سندری نوں شہزادے چمدے نہیں
چاننی نوں روک رہاں تنبو تانکے
چھپاؤ نہ تاریاں دیاں کھتیاں

نسیبیں دوش دیکے چاننہین رات اپنائی
لامبو لا لہو دی لوہڑی مچائی
کنڈیاں نال شنگارن جوگیاں راہاں تے
وچھاؤ کیوں فلاں دیاں پتیاں

اجڑے بغیچیاں دے ڈھلاں دی خوشبو
ٹٹے دلاں دا اکو ہی موہ
بھکھے آوارہ پشواں توں بچاؤن خاطر
کی بچاؤن لئی واڑاں گھتیاں

روشن دان بند کراں اٹاں چونا چنکے
درد سہاں تیریاں لائیاں سٹاں گنکے
کاہتوں سیونک کھادھیاں شتیریاں نوں ورتکے
دو منجلیاں کوٹھیاں تسیں چھتیاں

گہنے گھڑواکے لوہے دے میں پائے
ریگمرمر نال رگڑکے ایہہ لشکائے
ماشیاں نال کاہتوں تولدے ہو
کھوٹ اس وچّ ہزاراں رتیاں