intelligent086
10-01-2014, 11:16 PM
دوست چڑیوں کے لیے کچھ حرف
(۱)
بھولی چڑیا!
میرے کمرے میں ،کیا لینے آئی ہے؟
یہاں تو صرف کتابیں ہیں !
جو تجھ کو تیرے گھر کا نقشہ تو دے سکتی ہیں
لیکن
تِنکے لانے والے ساتھی
اِن کی پہنچ سے باہر ہیں !
(۲)
چڑیا پیاری،
میرے روشندان سے اپنے تنکے لے جا!
ایسا نہ ہو کہ
میرے گھر کی ویرانی کل
تیرے گھر کی آبادی کو کھا جائے!
تجھ پر میری مانگ کا سایہ پڑ جائے!
(۳)
گوریّا!
کیوں روتی ہے؟
آج تو تیرے گھر میں سُورج ہَوا کا قاصد بنا ہُوا ہے
کرنیں تیرے سب بچوں کی اُنگلی تھامے رقصاں تھیں
ننھے پہلی بار ہَوا سے گلے ملے تھے
اور ہَوا سے جو اِک بار گلے مل جاتا ہے
وہ گھر کب واپس آتا ہے!
(۴)
سجھے سجائے گھر کی تنہا چڑیا!
تیری تارہ سی آنکھوں کی ویرانی
پچھم جابسنے والے شہزادوں کی ماں کا دُکھ ہے
تجھ کو دیکھ کے اپنی ماں کو دیکھ رہی ہوں
سوچ رہی ہوں
ساری مائیں ایک مقدر کیوں لاتی ہیں ؟
گودیں پھُولوں والی!
آنگن پھر بھی خالی!
(۱)
بھولی چڑیا!
میرے کمرے میں ،کیا لینے آئی ہے؟
یہاں تو صرف کتابیں ہیں !
جو تجھ کو تیرے گھر کا نقشہ تو دے سکتی ہیں
لیکن
تِنکے لانے والے ساتھی
اِن کی پہنچ سے باہر ہیں !
(۲)
چڑیا پیاری،
میرے روشندان سے اپنے تنکے لے جا!
ایسا نہ ہو کہ
میرے گھر کی ویرانی کل
تیرے گھر کی آبادی کو کھا جائے!
تجھ پر میری مانگ کا سایہ پڑ جائے!
(۳)
گوریّا!
کیوں روتی ہے؟
آج تو تیرے گھر میں سُورج ہَوا کا قاصد بنا ہُوا ہے
کرنیں تیرے سب بچوں کی اُنگلی تھامے رقصاں تھیں
ننھے پہلی بار ہَوا سے گلے ملے تھے
اور ہَوا سے جو اِک بار گلے مل جاتا ہے
وہ گھر کب واپس آتا ہے!
(۴)
سجھے سجائے گھر کی تنہا چڑیا!
تیری تارہ سی آنکھوں کی ویرانی
پچھم جابسنے والے شہزادوں کی ماں کا دُکھ ہے
تجھ کو دیکھ کے اپنی ماں کو دیکھ رہی ہوں
سوچ رہی ہوں
ساری مائیں ایک مقدر کیوں لاتی ہیں ؟
گودیں پھُولوں والی!
آنگن پھر بھی خالی!